محمد ثروت يكشف السبب: ليه حسام حسن كان هيضرب إمام عاشور

كشف الفنان محمد ثروت، سر تفاصيل اللقطة التي تم تداولها على مواقع التواصل الاجتماعي بين حسام حسن وانفعاله في المباراة ثم احتضان لـ إمام عاشور بعد ذلك مردفًا:«كابتن حسام بيعامل إمام عاشور كأنه ساند باك، هيفش غلبه في مين، في صلاح لا طبعًا، في مرموش، لا طبعا مرموش سريع أول ما بيشوف حسام حسن بيطلع فوق الدولاب».

وأضاف محمد ثروت خلال برنامج «قبل الماتش»، والمذاع على قناة صدى البلد، قائلًا:« حسام حسن مش بيلقي غير إمام عاشور، وهو منفعل وراح لإمام وهيمسك فيه، راح إمام قاله يا كابتن في كاميرات، راح حضنه بدل ».

وتابع:«أول ما إمام عاشور قال لحسام الكاميرات يا كابتن، حسام حسن قاله حبيب قلبي يا إمام، ونتقابل بعد الماتش، وإمام عارف هيحصل فيه إيه، عاوز أقولك حسام أب لكل اللاعبين، والأب عاوز إيه من أولاده غير أنهم يكونوا ناجحين».