محمد حماقي يكشف موقفه من التمثيل: أتمنى ميخلصش المشوار من غير سينما

كشف الفنان محمد حماقي موقفه من خطوة التمثيل، وسر تأخره حتى الآن لظهوره بشخصية ممثل.

قال محمد حماقي عبر تصريحات تلفزيونية: «فيما يخص التمثيل هو مشروع طول الوقت بتمناه ومن أول ما بدأت أغني من وقت 'بتضحك' أول ألبوم، كان بيتعرض عليا أفكار ومشاريع للتمثيل».

موقف محمد حماقي من التمثيل

وتابع: «بس طول الوقت كنت بحس أن مش ده اللي نفسي فيه أو مش دي الفكرة اللي عايز أعملها يمكن لأني مش متخصص أوي، يمكن في المزيكا بقدر أعمل اللي أنا عايزه بقدر أفكر وأروح وأنفذ اللي أنا نفسي فيه».

واستكمل محمد حماقي: «بس في السينما مش هعرف أكتب الفيلم بس أقدر أعمل أغنية ويمكن ده اللي معطل المشروع.. أتمنى أن أعمله ميخلصش المشوار من غير ما يكون فيه تجربة سينما».

تصريحات محمد حماقي

واختتم: «بس في نفس الوقت مش هعمل أي حاجة مش مقتنع بيها لمجرد أني أكون عملت فيلم سينما، مستني الفكرة وإن شاء الله تيجي ولو جات أكيد مش هتردد خالص».