محمد رمضان يكشف أصعب موقف ومشهد تعرض له.. ما علاقة حنان ترك؟

كشف الفنان محمد رمضان عن موقف محرج تعرض له أمام الفنانة حنان ترك، قائلًا: «أصعب مشهد لي كان أول مرة أقف قدام كاميرا مسلسل درامي ضخم مع الفنانة حنان ترك».

محمد رمضان وحنان ترك

قال محمد رمضان في تصريحات تلفزيونية له عن مشهده مع الفنانة حنان ترك: «المشهد كان المفروض بقولها فيه بحبك، كنت طالع بحبها وهي مش واخدة بالها».

وتابع: «تعرضت لموقف محرج خلال المشهد مع حنان ترك وقفت قدامها وكلمة بحبك اللي المفروض أقولها لها مش عايزة تخرج من الرعب، فكرة إن فيه كاميرات مسلطة عليا ومخرج ومهندس صوت ومساعدين إخراج».

محمد رمضان

تصريحات محمد رمضان

واستكمل: «قالت لي إيه اتكلم قول بحبك وقتها شاورت لها فعلًا ومقدرتش أتكلم بس المشهد عدى»، وأشار إلى أنه يحب كل الأغاني لكنه يحب الاستماع لـ فرانك سيناترا، وموسيقى الهيب هوب.

وقال محمد رمضان عن أعماله الغنائية: «أنا عايز أعمل أغاني تعطي طاقة للناس، واللي يسمع أغنية نمبر وان وبيتدرب يحس نفسه فعلا نمبر وان، ولا يحق للفنان أن يكون لديه جنون العظمة، جنون العظمة على المتكبر ولكن لما تقابل جمهورك صاحب الفضل اللي كبرك لازم تكون محترم أكتر منهم ومتواضع أكتر منهم».

أسرار محمد رمضان

وأشار إلى أنه ندم على خطوات في حياته خاصة وعامة في مشوارها، معلقًا: «اسأت إدارة الأزمة، ولم أعتذر عن العمل مع أي فنان، ومش بقصد أعمل تريند، وجالي معجون أسنان من الذهب ودا شيء غريب وصورته، ليه لقيت الدنيا اتقلبت والناس بيعملوا من الحبة قبة؟».

وتابع: «بسيب خططي على ربنا لأن كل شيء بإيده ولكن فيه قدر من الوعي، ولو معايا مصباح سحري هطلب الصحة وأن الحب يفضل بين أولادي ويحبوا بعض، وربنا يحفظ لي مراتي ويقدرني على سعادتها».

واختتم: «أتمنى أفضل في نجاح وتقدم وتنوع وأقدم أعمال تسعد الناس، وأتمنى الستر والصحة وربنا يفضل راضي عني وأمي وأبويا يرضوا عني، وجمهوري يفضل منور حياتي، وأتمنى ربنا يوفق زملائي ويجعلني سبب لتركيزهم في شغلهم ومصدر طاقة لهم إنهم يشتغلوا أكتر وينجحوا».

محمد رمضان