محمد سلام في مرمى الانتقادات بسبب الانسحاب من مسرحية زواج اصطناعي.. تفاصيل

اختلف تقييم موقف الفنان محمد سلام الخاص بعد انسحابه من مسرحية زواج اصطناعي، قبل أيام من عرضها في السعودية، بين مؤيدين ومعارضين عبر مواقع التواصل الاجتماعي.

ومن جانبه، انتقد السيناريست محمد أمين راضي، الفنان محمد سلام، وكتب في منشور عبر حسابه الرسمي بموقع فيس بوك: «مش قادر.. مش قادر.. كونسبت إني علشان بحب محمد سلام جدًا.. فأقرر ما قولش رأيي بصراحة مضايقني من أول ما قولت لنفسي كده امبارح».

السيناريست محمد أمين راضي ينتقد الفنان محمد سلام

وتابع: «لأن على الجانب الآخر ما صلاح الجهيني صاحبي.. بس حقيقي بعيد بقى عن المحبة والصداقة.. اللي عمله سلام فعل غير مهني بالمرة.. حتى ولو مشاعره صادقة.. كان عادي يعتذر من أسبوع.. مش قبلها بيوم.. وكان عادي خلاص برضه ده يحصل بصمت.. بدون أي فيديوهات تحرج زمايله اللي موجودين حاليًا».

واستكمل محمد أمين راضي عن محمد سلام: «بتحرج أكتر اللي هيجي بعده.. خصوصًا إن سار العرف إن الواحد بيعمل الفيديوهات اللي بيوضح فيها موقفه للناس اللي هو عامل حاجة غلط في حقهم أو اللي زعلانين منه.. اللي همه في الحالة دي.. الجمهور اللي قطع التذاكر بناء على الإعلانات اللي هو موجود فيها لحد امبارح».

السيناريست محمد أمين راضي ينتقد الفنان محمد سلام

انسحاب محمد سلام من مسرحية زواج اصطناعي

وأضاف: «وطبعًا الفيديو المعمول مش موجه خالص للجمهور اللي بتكلم عليه.. والأهم بقى من كل ده.. وفوق كل ده.. الفن مش رفاهية.. الفن مش رفاهية أو شيء ممارسته تسيء وتقلل من هيبة الحزن.. ومش هتكلم خالص عن خصوصية الفن ودوره خالص.. أنا مش هتكلم إلا على كونه مهنة.. مفيش أي مهنة بيتطلب منها او بيتطوع صحابها من نفسهم بالتوقف عشان الظروف إلا إحنا ما قبلتش أنا حد في بنك قرر يستقيل عشان خاله مات مثلًا».

وكتب أيضًا: «وحقيقي أنا مش فاهم إيه اللي حصل أنا واحد اتربى على جيل من الفانين كانوا بيتفاخروا بأن أقرب الأقربين ليهم أبوهم مات وهما دفنوه وطلعوا على المسرح علشان عندهم ميعاد خشبة مسرح وعندهم جمهور قاطع تذاكر واحترامه شيء مقدس».

واختتم السيناريست محمد أمين راضي عن محمد سلام: «سيد مكاوي وآخرين كان بيسافر الجبهة بتاعت الحرب عندنا إحنا علشان يعملولهم حفلات مخصوص لرفع من روحهم المعنوية.. فاللي إحنا بنتكلم فيه لا هو بدعة ولا أفورة مننا.. في حقيقة الأمر انتوا مبتذلين».

انتقاد الجمهور لمحمد سلام

وتعرض أيضًا للانتقادات من عدد من متابعيه واتهموه بالمزايدة، حيث كتب أحدهم: «كلام حضرتك صح وعلى دماغنا كلنا بس هل لو جالك فيلم أو مسلسل في رمضان المفروض يتصور الأيام دي برضو هتعتذر على إنك تشارك في كل الأعمال السيزون ده!.. هيبقى شابوه لك.. لكن هتعتذر عن السعودية وتمثل وتقدم كوميدي هنا عادي.. ف دا غريب جدًا».

وعلق له أحد المتابعين قائلًا: «كان ممكن تنسحب بهدوء بدون ماتتكلم وكأنك تلوم موسم الرياض ولا تنسى الدعم اللي جالك من الجمهور السعودي والتشجيع وشخصيًا أنا حضرتلك ودعمتك وما توقعت بيوم هذا».

انتقاد الجمهور لمحمد سلام

انتقاد الجمهور لمحمد سلام