محمود الخطيب : نعترف بالتقصير..وهناك أخطاء تحكيمية فجة وكلها ضد الأهلي

ظهر محمود الخطيب، رئيس مجلس إدارة النادي الأهلي، اليوم السبت، لوسائل الإعلام لتوضيح العديد من الأمور المهمة الخاصة بالفريق الأول للكرة بالقلعة الحمراء.

وقال محمود الخطيب، عبر قناة الأهلي :”حق جمهور الأهلي العظيم علينا إننا نطلع نتكلم ، احنا بنعترف إن في تقصير مننا وكمان نسارع في الإصلاح لأن الناس اللي بتشتغل بجد ممكن تغلط لكن العيب أننا نستمر ومنشوفش الغلط وإن شاء الله احنا عارفين إزاي نعالج الغلط ، بنتمني أنكم تدعمونا”.

وتابع :” أنا حاسس جدا بزعل الناس وقلقهم علي الفريق ، ولكن إحنا بنكون زعلانين أكتر لأن إحنا اللي هنسأل قدام الجميع قدمنا اللي علينا ولا لأ ، في وقت الفرحة أنتم بتكونوا فرحانين بينا جداً وفي وقت الاخفاق يجب أن نتحمل دا لأن دي من مسئوليتنا تجاه نادينا وتجاه الجمهور”.

وأكمل :” من ثوابت النادي عدم الظهور الإعلامي الكتير ، لكن المرة دي كان لازم نطلع نتكلم مع حضراتكم لتوضيح بعض الأمور بعد الإخفاق الأخير اللي بيحدث لأنكم الداعم الأول والرئيسي لمنظومة النادي الأهلي”.

وواصل :” آخر ست سنوات صعد الأهلي خمس مرات لنهائي إفريقيا،  من غير الأهلي حقق هذا الإنجاز؟، البطولة الأفريقية الأخيرة ضاعت من الأهلي، ومن ضمن الأسباب ناس من مصر للأسف، الوطنية مش بالكلام والشعارات الوطنية بالمواقف والأفعال، الأهلي حصد لقبين دوري أبطال وبرونزتين بالمونديال، وهذا قمة الهرم الكروي، وبالطبع سيهبط المستوى بسبب الاجهاد وبسبب الضغوط لما خلصوا البطولات دي ونزلوا لبطولات محلية أقل لتلاحم المواسم ومكنش فيه راحة للاعيبة دي لمدة 3 مواسم “.

وأردف :”  أنا تحدثت مع اللاعبين وقلت لهم إن من حب الجمهور ليكم ومن دعمهم بيكونوا زعلانين عشان كدة بيلوموا عليكم لانهم شايفينكن أحسن من كدة بكتير ، لكن برضه لازم نقول أن نفس اللاعيبة دي من فترة صغيرة كانت في نهائي أفريقيا وتالت كأس عالم بأداء العالم كله اتكلم عليه، فيه عوامل خارجية بتؤدي أها بتحبط لاعبيتنا ومنها التحكيم من السنة اللي فاتت وألف خط يتحط تحت التحكيم ، خليك عادل و أدي لكل واحد حقه ، هناك أخطاء تحكيمية فجة وكلها ضد الأهلي وهناك مجاملات في اتجاهات أخرى ، النادي الاهلي بيطلب العدل بس “.

أمير عبد الحليم : سواريش قاد الأهلي في وقت عصيب .. واتحرق عند الجماهير

رضا عبدالعال: الخطيب مسؤول عما يحدث في الأهلي وجوزيه أفضل من فيريرا.. فيديو

زر الذهاب إلى الأعلى