محمود الليثي يكشف سر إقامته الطويلة مع أولاده في الفندق وحلمه بعد الاعتزال

تحدث المطرب الشعبي محمود الليثي عن سر إقامته في أحد الفنادق مع أبنائه لفترات طويلة.

قال محمود الليثي عبر تصريحات تلفزيونية: «أغلبية الوقت ببقى قاعد في الفندق لأنه أمان بالنسبة لي في كل حاجة بحتاجها، سواء ليا أو لعيالي».

وتابع: «وأنا بموت أوي في عيالي وبلمهم وبنروح نقعد لفترة كبيرة أوي في حياتنا بنبقى قاعدين في الفندق، لو قعدوا في البيت بيبقوا عايزين يخرجوا ولو خرجوا ببقى قلقان عليهم وأنا مبحبش المشاكل، وممكن تحصل حاجة، وقعدتي في الفندق بتبقى منعًا للأمور دي، ويقعدوا يتبسطوا ويلعبوا ويعيشوا ويبقوا مبسوطين».

وفيما يخص خططه في حال تركه الغناء، علق قائلًا: «كنت حافظ القرآن الكريم وبعد ما ربنا يكتبلي وفترة الفن تخلص هروح أمسح البلاط بتاع الحرم وأشوف الكعبة قدامي، وأنا بقدر أحافظ على علاقتي بربنا وسط انشغالي بالوسط الفني».