محمود حجازي يرد على اتهامات التحرش بعد إخلاء سبيله: الحقيقة هتبان وأنا واثق في القضاء المصري

خرج الفنان محمود حجازي عن صمته للرد على أزمته الأخيرة، وذلك بعد إخلاء سبيله على خلفية اتهامه بالتحرش واغتصاب سيدة داخل أحد الفنادق الكبرى بالقاهرة، مؤكدًا أن ما يتعرض له «تلفيق وحملات لتشويه صورته» أمام الجمهور، على حد وصفه.

ونشر محمود حجازي مقطع فيديو عبر حسابه الرسمي على «فيس بوك»، كتب فيه: «احنا منعرفش الخير فين وليه بيحصل كل ده أكيد ربنا ليه حكمة، والحقيقة هتبان هتبان وساعتها هبقى ضامن حقى فى الدنيا زى ما ضامن حقى فى الآخرة»، مشددًا على ثقته في ظهور الحقيقة.

وأضاف محمود حجازي في منشوره: «كفاية كدب.. ده انتوا حتى بتكذبوا فى الشهادة العلمية، وبتقولوا دكاترة، فين طيب الدكتوراه دى، وهى كدبة بتحاولوا تداروا بيها عن نقصكم.. أنتم فاضيين ولا تعملوا غير على أذيتى»، مؤكدًا تمسكه بقضية منع سفر نجله، قائلًا: «مش هتنازل عن #منع_سفر_ابنى اللى أنا محروم منه... وبقاله فى مصر 5 شهور».

وتابع الفنان محمود حجازي: «ربنا موجود وأنا أقوى من أى حاجة عشان معايا الحق، ومهما صرفتوا من حملات عشان تدمرونى مش هتعرفوا ده تعب سنين»، موضحًا أنه التزم الصمت سابقًا من أجل نجله، لكنه قرر الحديث الآن لكشف ما وصفه بالحقيقة.

واختتم محمود حجازي تصريحاته بالتأكيد على ثقته في القضاء المصري، قائلًا: «أنا واثق فى ربنا والقضاء المصرى وحقى هيرجع بالقانون»، في انتظار ما ستسفر عنه التحقيقات خلال الفترة المقبلة.