من هي مريم سيف بعد تصدرها جوجل.. زوجها رفض الانفاق عليها ودخلت في صراع مع محمود الليثي بسبب 10 جنيه

حســن الحينى 22 يوليو 2022 | 04:02 مساءً

تصدرت البلوجر مريم سيف، تريند جوجل بعد تصريحاتها عن خلافها مع زوجها محمد شرف، ورفعها دعوى قضائية ضده بالطلاق للضرر، والعديد من غيرها من الخلافات التي نشبت بينهما منذ 9 أشهر.

من هي البلوجر مريم سيف

وفي التقرير التالي نرصد من هي البلوجر مريم سيف.

البلوجر مريم سيف يتابعها أكثر من 2 مليون متابع عبر حسابها الشخصي .

أنجبت مريم سيف ابنتها مريم محمد شرف الدين في 10 أكتوبر عام 2021.

View this post on Instagram

A post shared by Mariam Seif | مريم سيف (@mariamseiif)

تقوم مريم سيف بالدعايا للعديد من منتجات العناية بالبشرة والشعر، وماركات الملابس، والتطبيقات المختلفة.

معلومات عن البلوجر مريم سيف

نشبت الخلافات بين مريم سيف وزوجها محمد شرف منذ 9 أشهر ولكنها لم تعلن عنها سوى اليوم.

وكان للبلوجر مريم سيف، واقعة بينها وبين الفنان محمود الليثي أثارت على جدل كبير بين السوشيال ميديا، حيث أوضح الأخير أن مهنة الأنفلونسر ليست لها فائدة معلقا بقوله: «الإنفلونسر مش شغلانة».

خلاف البلوجر مريم سيف ومحمود الليثي

لترد عليه مريم سيف وتذكره بماضية بأنه لم يملك 10 جنيها حق المواصلات قبل شهرته، حيث كتبت عبر حسابها بموقع تبادل الصور والفيديوهات «إنستجرام»،: «وأنت شغلانتك إيه؟ مش قدام الكاميرا زينا ولا إيه؟ ولو الكهربا قطعت بتنطفو أنتوا كمان ولا إيه النظام؟ قالك إنفلونسر مش شغلانة، على الأقل إحنا لينا نفع عنكم والله.. طب خلي ممثل كبير يتكلم طيب، يا جدع مش كده.. أنا قولت محمود حميدة بيتكلم مثلً، أنا أتخضيت لما لقيته محمود الليثي».

ورد عليها الفنان محمود الييثي موضحا أنه لم يعرفها كاتبا: «بصي يا أستاذة ياللي مش عارفك، أولًا أنا مغلطش فيكي لشخصك وأنتي غلطتي فيا.. ثانيًا أنا ليا أصحاب كتير أنفلونسرز وأشهر منك بمراحل، أخدوا الموضوع بهزار عادي، ده لأن فعلًا ديه مش شغلانتهم الأساسية.. ثالثًا لو أنت شايفة إن الممثل مش بينفع الناس، وأنتي بتنفعيهم، فده قلة فهم منك، وده مش هلومك عليه، عشان دي حاجات مينفعش نشتريها.. بنتولد بيها».

هجوم البلوجر مريم سيف على محمود الليثي

وتابع محمود الليثي: «رابعًا كونك تقولي ده مكنش معاه 10 جنيه يركب مترو، وتتريقي على ده، فده مصدر فخر ليا، إني كنت أمل لشباب كتير أنهم يبدأوا من الصفر وينجحوا، ورحلة كفاح انبسطت إن الناس تعرفها.. خامسًا الفن ده مهنة زيه زي الطب والهندسة، ولو حضرتك بتقرأي في التاريخ، هتعرفي إنه موجود من يوم ما اتوجدت الحضارة وغير شعوب عملت ثورات، مش مرتبط بالكهرباء زي ما بتقولي».

واختتم الفنان محمود الليثي بأن مريم سيف لو كانت أخطأت في حق الفنان محمود حميدة لجعلها تعتذر عما صدر منها معلقا: «أخيرًا لو الأستاذ محمود حميدة شاف كلامك ده، كان هيخليكي تعتذري للفن والفنانين كلهم، اللي بتقللي من دورهم، وكان هيفهمك إزاي تتكلمي بأسلوب راقي عن كده».