علا رشدي تكشف حقيقة تقديم جزء ثاني من مسلسل بـ 100 وش.. فيديو

تحدثت الفنانة علا رشدي عن مسلسل بـ 100 وش وإمكانية تقديم جزء ثاني من العمل مع المخرجة كاملة أبو ذكري، كما كشفت عن خطتها الفنية المقبلة.

مصير الجزء الثاني من مسلسل بـ 100 وش

قالت الفنانة علا رشدي في حديثها مع الإعلامية دينا رامز في برنامج ست الستات على قناة صدى البلد: «مسلسل بـ 100 وش، معتقدش هيكون ليها جزء تاني، لأن لما بيبقى في عمل نجح أوي بيكون في قلق يتعمله جزء تاني».

أعمال جديدة للفنانة علا رشدي

وعن عام 2022، قالت علا رشدي: «السنادي كانت سنة اكتشاف، وحاولت اعرف انا عايزة اعمل ايه بالترتيب، وفي السنة الجديدة التمثيل هو من أولوياتي، هقدم عمل عن المراهقين يعلمهم وهركز عليهم وهيتعرض على منصة».

أمنية علا رشدي بالسنة الجديدة

وتابعت علا رشدي حديثها، وقالت: «بتمنى إن كل واحد يلاقي طريقه ويفكر في نفسه، ويبقى أناني لنفسه وده اللي هعمله مع نفسي السنادي لأن الواحد أوقات بينسى نفسه، وده بجانب إني أخد بالي من جوزي وولادي».

علا رشدي تتحدث عن محمد منير

وقالت علا رشدي عن الفنان محمد منير: «محمد منير بالنسبالي هو علاقته بأحمد داود، كنا صورناله إعلان، وبعدين أنا عارفة أحمد بيحبه جدًا، وأنا كنت بخطتله إزاي يتصور معاه من كتر حبه له، وكان يسمعني دايمًا أغانيه».

أحمد داود: إذاعة الجزء الثاني من مسلسل سوتس رمضان 2024