مفاجأة في تصريحات شقيق ضحية حادث عصام صاصا

كشف جمال مفتاح شقيق ضحية حادث عصام صاصا تطورات صادمة بشأن الحادث، قائلًأ: «أخويا كان ماشي لشغله الصبح، وواقف مستني الباص اللي بيركب فيه ويروح الشغل».

وتابع شقيق ضحية حادث عصام صاصا: «جه شاب متهور مسح به الأسفلت وزنقه في الرصيف في الجنب اليمين، وأنا بغسل أخويا مفيش فيه حتة سليمة».

شقيق ضحية حادث عصام صاصا

واستكمل: «والإعلام بيقول كان بيعدي الدائري، أخويا كان واقف في مكانه مستني الباص وأنا كنت مسافر ورجعت من السعودية من 3 أيام، وكان معادي أقابله وهو رايح الشغل».

واختتم جمال مفتاح شقيق ضحية حادث عصام صاصا: «بيقولوا السرعة كانت 70 أو 80، وأنا سواق نقل ثقيل لو سرعته 70 أو 80 دي عربية حديثة فيها فرامل هتقف، ومستحيل تكون دي السرعة، والوضع صعب أخويا ده الكبير وعنده أربع أطفال، وكان يعول غيرهم أربع أيتام».

عصام صاصا

حادث عصام صاصا

وأعرب جمال مفتاح عن ثقته في القضاء المصري، معلقًا: «أنا واثق إن شاء الله في قضائنا المصري هيجيب حق أخويا، لأنه أغلب خلق الله».

وكان قد وجه عصام صاصا مؤدي المهرجانات رسالة مفاجئة بعد الإفراج عنه، وإخلاء سبيله من النيابة، بعد القبض عليه بسبب دهسه شخص بسيارته على الطريق الدائري.

كتب عصام صاصا عبر خاصية الستوري التابعة لحسابه الرسمي بموقع انستجرام: «الحمد الله على قضاء ربنا اللهم لا اعتراض.. ربنا يرحم الراجل اللي أنا هفضل شايل ذنبه طول عمري».

الإفراج عن عصام صاصا

وتابع: «بس ربنا شاهد على اللي حصل، ومحدش هيحس باللي أنا شوفته وعيشته الساعات اللي فاتت.. ربنا يصبر أهله ويرحمه، شكرًا لكل أخواتي اللي سألوا عليا وشكرًا لكل الناس اللي دافعت عن عصام صاصا».

واختتم عصام صاصا: «شكرًا للناس اللي عارفة أن عصام لا يمكن يأذي حد بس ده قضاء ربنا.. وأنا طبعًا ليا حق الرد بس أنا فعلًا تعبان جدًا واللي أنا فيه مش سهل ياريت تقدروا ده ولما أحس إني بقيت أحسن شوية هوضح كل حاجة».

عصام صاصا