مفاجأة مدوية في مستقبله.. شوبير يكشف عن فريق محمد صلاح الجديد

كشف الإعلامي أحمد شوبير، عن مفاجأة مدوية في مستقبل النجم المصري، محمد صلاح، قائد منتخبنا الوطني، المحترف بصفوف ليفربول الإنجليزي.

وقال أحمد شوبير، في تصريحات إذاعية :" ليفربول لسه لم يتفاوض مع محمد صلاح، كانوا هيتفاوضوا معاه قبل ماتش نوتينجهام فورست وبعدها ما اتكلموش تاني، وأنا هقول لكم موقف صلاح النهائي اللي مش هتسمعوه في أي حته واللي وكالات الأنباء العالمية هتنقلوا عني".

وتابع :"محمد صلاح المشروع القادم لنادي باريس سان جيرمان ومحمد صلاح منفتح على الانتقال لبطل فرنسا ومحمد صلاح فنيا لاعب رائع والانتقال ده له أبعاد تانية عربية وجماهيرية فرغبة باريس سان جيرمان وصلاح بتتلاقي وفيه اتفاق كامل ده في حال تقاعس مسؤولى ليفربول عن تجديد عقد اللاعب".

وأضاف :"طيب إيه الموقف في ليفربول، هو نظام التجديد في ليفربول لو اللاعب تجاوز الـ30 سنة بدل ما يجددوا له 3 سنين يجددوا سنتين ولو تجاوز الـ 32 يجددوا له سنة واحدة، فمحمد صلاح قال لهم لأ عقدي لن يقل عن عامين ومرتبي لن يقل وربما يزيد".