منال سلامة عن شريف دسوقي: «ربنا يقومك بالسلامة وترجع تمتعنا بفنك الجميل»

دعمت الفنانة منال سلامة ماحدث للفنان شريف دسوقي، بعد بتر قدمه أمس .

وعلقت «سلامة» قائلة، «أنا معرفش الأستاذ شريف شخصياً أول مرة أشوفه كان في فيلم ليل خارجي في مهرجان القاهرة السينمائي فرحت بيه قوي وتوقعت أنه ياخد جايزه وفعلاً أخد الجائزة وفرحتله أكتر وبدء مشواره الفني في المسرح من زمان لكن جاتله الشهرة متأخر».

وأضافت، «زعلت عليه لما شوفتله حديث بيتكلم عن أنهم اتهموه أنه بيدعي المرض وبيتأخر علي التصوير لأنه بيطالب بحقه حسيت أنه مظلوم لانه للأسف هي دي مهنتنا أسهل حاجه انهم يتهموك في شغلك عشان تقعد في البيت كنوع من العقاب».

وتابعت، «عايزين الناس بلا كرامة وللأسف مفيش قانون بيحمي الفنان صدقتوا دلوقتي أنه مريض فعلًا ربنا يشفيك يا استاذ شريف ويقومك بالسلامة وترجع تمتعنا تاني بفنك الجميل لأنك لك خصوصية مشفنهاش من أيام الابيض واسود ادعوله بالشفاء».

أزمات شريف دسوقي.. من وضعه في مصحة نفسية لـ«التهديد بالانتحار»

نشوى مصطفى بعد بتر قدم شريف دسوقي : «ربنا يتم شفاك وترجع بسرعة تملى الدنيا تمثيل»