منة عرفة: «لسه بحب محمود المهدي وضد التلامس في الأعمال الفنية من قبل مااتجوزه»

تصدرت الفنانة منة عرفة محركات البحث على «جوجل»، بعد أن تحدث عن زوجها محمود المهدي، وفكرة التلامس في الأعمال الفنية .

وتحدثت منة عرفة، عن أسباب رفضها التلامس في الأعمال الفنية أو تقديم المشاهد الجريئة، قائلة: «المبدأ واحد عشان بس الناس تفهم أنا ما كنتش بقدم ده ولما أتجوزت محمود بقيت محترمة أنا ضد ده من البداية ممكن أتفرج عليه لكن مش حابة أقدمه».

وتابعت، «محدش يقدر يجبرني أبعد عن جوزي أو يخليني معاه، أنا بحبه جدًا وبكن له كل الحاجات الحلوة، الفكرة في شوية حاجات بنتفق عليها لو ربنا يسرها لينا ومشينا فيها نكمل ليه ما نكملش، لو حصل عكس ده كل واحد هيكون بيضر أكتر ما بينفع».

وصرحت الفنانة منة عرفة، أن مؤخر زواجها على محمود المهدي كان 200 ألف جنيه فقط، وتحدثت عن عدم إقامتها لحفل زفاف قائلة: «كل ما نيجي نعمل فرح يحصل حاجة ما لبستش أبيض ولا حتى عملت خطوبة، لكن إحنا أول ما أتجوزنا كنا مقررين نعمل كتب الكتاب وبعدين نعمل فرح».

وأضافت: «أنا أساسا مش مع أني أعمل فرح كبير ضخم عملنا كتب الكتاب بعدها بدأنا نتلكم هنحجز امتى القاعة لكن كل مرة كان بيحصل مشكلة بيني وبين محمود، لكن إن شاء الله لو لينا نصيب مع بعض هنعمل فرح أكيد نفسي أفرح وألبس فستان».

وقد انفصلت منة عرفة عن زوجها مؤخراً، ولكن لم يقع الطلاق بشكل رسمي، ولم تكشف عن سبب الخلاف بينهما بشكل صريح .

منة عرفة: «مؤخر جوازي كان 200 ألف جنيه .. وما لبستش أبيض»

نجوم أثاروا الجدل ببرامج دراما رمضان ٢٠٢٢ أبرزهم منة عرفه

 

 

الذهاب إلى الأعلى