مها الصغير تكشف قصة حب والدها بوالدتها خلال فترة مرضه

تحدثت الاعلامية مها الصغير عن قصة حب جمعت بين والدها والدتها منذ زواجهما، حتى الوقت الحالي .

وقالت الصغير خلال رسالة عبر حسابها علي 'انستجرام'، 'في حاجة مهمة أوي عايزه كل العالم يعرفها، و اكيد مش هعرف اكتب الكلام ده تاني... أبطال القصه دي هم أبي و حياتي كلها و الي يعرفني كويس يعرف أن محمد الصغير مش ابويا بس هو حب عمري والبطلة التانية هي اعظم ست في العالم أمي .. قصه حب عشتها علي مدار كل يوم و كل ثانيه لغايه اللحظه حتي لما اتطلقوا كنت عارفه انه بيحبها و هي بتحبه و عمري ما شفته او شفتها سعيدة غير و هي مراته».

وأضافت، «المهم امي اتجوزت ابويا و هي من عائله ارستقراطيه و هو من عائله بسيطه وتحدت اهلها و قطعوها وهو لم يكن معاه سوي ١٠٠ جنيه، وحصل مشاكل واتطلقوا من ٢٢ سنه و يوم ما تعب و هو حواليه ناس كتير اوي (بس في الافراح فقط)، طلب مني اطلب امي في التليفون و طلب يشوفها و جت له علي طول، يوم ما حس انه ضعيف اوي و تعبان بجد طلب ضهره و سنده الي بجد مش في المنظره و جت و طلب منها متزعلش منه و انها تتجوزه علي سنه الله و رسوله تاني.

وتابعت، «أصدقاء الابطال في هذا الفيلم الجميل الي شهدوا هذه اللحظه هما انا و اخويا مصطفي و اخويا التاني الدكتور الي مسبنيش لحظه يحيي البستاني .. الدنيا اتدربكت و طلب مأذون و جه المأذون جوزهم علي سنه الله ورسوله، فهذه العظيمة اتجوزته و هو محلتوش حاجه و في عز ضعفه و رجعت له و هو في عز ضعفه برده».

مها الصغير تطلب الدعاء لوالدها: «تعبان أوي»

عائلة محمد الصغير تطلب الدعاء له .. «اللهم اشفيه وأخرجه من المحنة»