مها سليم تدعم هند صبري بعد أزمة مسلسل مناعة: البني آدمة الإنسانة

دافعت المنتجة مها سليم عن الفنانة هند صبري ودعمتها، تزامنًا مع أزمة مسلسل مناعة وهجوم الفنانة مها نصار عليها.

كتبت مها سليم في منشور عبر حسابها الرسمي بموقع فيس بوك: «من كام شهر الفنانة والنجمة الكبيرة هند صبري كلمتني وكان بقالنا فترة متكلمناش».

مها سليم تدعم هند صبري

وتابعت: «وبالصدفة رديت عليها وكنت منهارة لأن بنتي كانت تعبانة جدًا وكنت بدور على دكتور وفي دقايق قلبت الدنيا وكلمت الدكتور ووصلتني بيه ومش بس كده كلمتني تاني يوم تطمن بعد ميعاد الدكتور».

واستكملت المنتجة مها سليم حديثها عن موقف هند صبري الإنساني معها: «ومش بس كده فضلت كل كام يوم وخلال الكام شهر اللي فاتوا وفي وسط شغلها وبيتها والتزاماتها بتبعت لي تطمن على بنتي كأنها فرد من عيلتها».

أزمة هند صبري في مسلسل مناعة

واختتمت: «وإحنا مفيش بينا شغل ولا أي مصالح.. هي دي البني آدمة الإنسانة واللي ورا النجمة الكبيرة اللي اسمها هند صبري وعلشان كده أنا بقول لها انتي دابمًا في قلبي وعلى راسي أنا وبنتي وبتمنى لك من كل قلبي نجاح كبير جدًا كالعادة لمسلسلك وأتمنى للمخرج المحترم الخلوق حسين المنياوي النجاح الكبير».

كانت قد كتبت مها نصار في منشور عبر حسابها الرسمي بموقع فيس بوك: «أنا ممكن أسامحك على سواد قلبك وغيرتك وحقدك لأن ده يخصك لوحدك لكن تتطاولي عليا وتردحيلي قدام الناس».

وتابعت: «وتحاولي طول الوقت تقل مني وتكسرني وتقل أدبك عليا مستحيل أسامحك عليه أبدًا مهما كانت النتيجة.. مع العلم إني اشتكيت لكل الناس وشفوها وبقالي أكتر من شهرين ساكتة».

واستكملت مها نصار: «والكل عمل نفسه مش واخد باله أنا مليش في كلمة كُل عيش وأعمل نفسك مش واخد بالك لأن العيش من غير كرامة ده قلة قيمة.. وياريت يا هند تبطلي تعملي حملات عليا أنا وهدى لأن هدى مش طرف في المشكلة».