موقف محرج تعرض له محمد سامي: «نص مشاكل حياتي سببها لساني»

روى المخرج محمد سامي تفاصيل موقف محرج تعرض له داخل الأسانسير، بسبب رجل إنجليزي وزوجته.

كتب محمد سامي في منشور عبر حسابه الرسمي بموقع فيس بوك: «كنت في الأسانسير ودخل راجل ومراته، كانوا فرافيش جدًا والراجل قاللي بلذاذة إن ساعتي عجباه وضحكنا واتعرفنا وقلتلهم إني مصري وإتبسطوا جدًا وزودوها في الانبساط».

موقف محرج تعرض له المخرج محمد سامي

وتابع: «وقالولي إنهم إنجليز أفورت زيهم وفرحت جدًا، حبيت أجامل زيادة أنا كمان وبصيت لمراته، ست جميلة وحامل بطنها قدامها متر ، ابتسمتلها وسألتها إنتي حامل في ولد ولا بنت».

واستكمل المخرج محمد سامي: «ولقيتهم فجأه سكتوا و الست بصتلي بقرف وقلبت وشها وقالتلي إنها مش حامل أصلاً».

تصريحات محمد سامي

وأضاف: «وهنا أنا حسيت إني نفسي الاسانسير يقع ونموت إحنا التلاتة ومعانا الطفل اللي هي مش حامل فيه».

واختتم محمد سامي: «أكتر موقف اتكسفت فيه فحياتي وربنا ما يحط حد في موقف شبهه، باب الاسانسير اتفتح طلعت أجري كأني حرامي موبيلات، وده يعلمني بعد كده أخرس لأني نص مشاكل حياتي سببها لساني».