ميار الببلاوي لـ «صدى البلد»: «ابني بيتحسن بفضل دعوات الجمهور»

أعربت الاعلامية ميار الببلاوي عن سعادتها الشديدة، بدعوات الجمهور لنجلها الوحيد، الذي تعرض لوعكة صحية شديدة خلال الفترة الماضية .

وقالت ميار الببلاوي لـ «موقع قناة صدى البلد»، الحمد لله ابني بيتحسن بفضل دعواتكم، وهو ابني الوحيد الذي لم أرزق سواه منذ وفاة والده عندما كان عمره عامين، فهو أقرب الأشخاص لقلبي خاصة بعد وفاة والدتي منذ شهور .

أعلنت الإعلامية والفنانة ميار الببلاوي عبر حسابها التواصل الاجتماعي فيس بوك، تعرض نجلها لأزمة صحية.

وكتبت ميار الببلاوي : «إيه ده، إيه الدنيا دي، إيه الناس دي، الواحد عايش في كوكب لوحده ملهوش حد، ولا يفرق مع حد كله بيقول يالا نفسىي، ولو ليه مصلحة عندك يعملك نفسه مروحة، ولو ملوش متلزموش، دي كلمة ست طيبة لقتني ببكي في المسجد بتاع المقابر وقالت لي دموعك غالية وفريها الجايات كتير، والله استغربت كلامها وكأنها بتأهلنى للي جاي».

وأضافت، «النهارده ابنى من الصبح بيموت بين ايدى بيرجع وبيتلوى من المغص ودكاترة داخله ومحاليل وحقن وادوية وبكره امتحانه الصبح لانه فى بكالريوس ودى اخر مادة طبعا كده خلاص مفيش امل الا بمعجزة من عند ربنا لانه رايح راس فى راس والسخونيه ٤٠».

وتابعت، «الاقى حد حقير كلمنى وبحكيله أن ابنى تعبان وبيموت من المغص وبيصرخ يطلب الطلب الى هو عاوزه ويقفل عاوزه اقول الله مايحوج حد لحد بس بعد الضنى مفيش اعز منه وكده حلو اوى».

ميار الببلاوي تكشف تطورات حالة نجلها: تعبان وبيموت من المغص

ميار الببلاوي : «مبستحملش الراجل يقعد على قلبي كتير وحظي وحش في الزواج»