ميريهان حسين تكشف سبب تأخر زواجها: مبحبش النكد

كشفت الممثلة ميريهان حسين عن سبب تأخر زواجها عن الآن، مشيرة إلى أنها تحب الروقان.

ميريهان حسين تكشف سبب تأخر زواجها

كتبت مريهان حسين عبر حسابها بموقع إنستجرام: «متجوزتش لحد النهاردة عشان أنا بحب الروقان ومش بحب النكد والزعل، وبحترم مساحتي الشخصية، وشخصيتي اللي بنيتها وهذبتها.. ولسه ملقتش الراجل اللي ميخذلنيش في دول».

ميريهان حسين

عودة ميريهان حسين

حرصت الفنانة ميرهان حسين، على توجيه رسالة لكل متابعيها عبر مواقع التواصل الاجتماعي أعلنت من خلالها عودتها بعد أيام من اعلان قرار اعتزالها التمثيل نهائيا.

ونشرت ميرهان حسين، مقطع فيديو عبر حسابها الشخصي على موقع التواصل الاجتماعي انستجرام، وعلقت قائلة:

شكرًا على الحب والدعم اللي فرح قلبي وعرفني ان حبكم نعمة من ربنا، شكرًا لكل حد منكم بعتلي مسدچ أو حاول يوصلي و يعبرلي عن حب جميل و يحسسني اني ماتعبتش عالفاضي شكرًا لكل اللي قالوا في حقي كلمة حلوة ..

إن شاء الله هارجع أكون معاكم وربنا يكتب الخير ليا و لكل الناس ،، شكرًا مرة تانية من قلبي .

وكان والد ميريهان حسين قال في تصريحات تليفزيونية: ميريهان انسانة راشدة وعارفة هي بتعمل ايه ومش محتاجة انها تركب التريند، وما حدث معها لحظة انفعال انعكس عليها فقامت بما كتبته على حساباتها التي تجاوزت ال 7 ملايين واسرتها كلها بتدعمها واحنا في دهرها وعملها وشغلها ، وهتعود عودة سريعة ودي استراحة محارب.

اعتزال ميريهان حسين

أعلنت الفنانة ميريهان حسين، خلال الايام الماضية اعتزال التمثيل لتعرضها للظلم وعدم تقدير موهبتها الفنية والغنائية، مؤكدة أنها تواجه حياة ظالمة.

وكتبت ميرهان حسين عبر حسابها الشخصي على موقع التواصل الاجتماعي إنستجرام: أجازة مفتوحة من السوشيال الميديا والمكالمات والالتزامات والمجاملات والتواجد من اجل الاخرين.. مش هكون موجوده لا عايزه حاجة من حد ولا حد يعوز مني حاجه واللي زمان انا عشته لغيري .. انا دلوقتي هاعيشه لنفسي.

ميريهان حسين

وتابعت ميريهان: «لا عايزة تقدير لا في شغل ولا في حياة ولا صحاب ولا حبايب ولا معارف ولا حاجة تستاهل ولا حد يستاهل .. اللي بيحبوني شكرا وكتر خيركم واللي مبيحبونيش شيلوني من حساباتكم لحد ما اقدر اواجه الحياة الظـllـمة دي تاني».

سبب اعتزال ميريهان حسين

وأضافت : «تعبت واشعر بعدم التقدير الشخصي ولموهبتي ولم أعتد البقاء في مكان ومع اشخاص لا تقدرني .. (لذلك انا أعتزل).. بعد ما قدمت العديد من الأدوار التي لا تشبهني ولا تشبه موهبتي ولا تستغل أدواتي كفنانة ممثله محترفه وحصلت على العديد من الورش التمثيلية ده غير اني املك صوت حلو وقادر على الغناء الذي اعشقه لكني تعبت ولم أعد أسعد بجمله انتي مظلـومة.. لن اعرض موهبتي على من لا يراها او يقدرها ولا يحتاجها .. وسط مصـالـح وشـللية وموضه .. ومين اتجوز مين ومين مصاحب مين ... مش مين شاطر ومين موهوب».