مي فاروق تعلق على فارق العمر بينها وبين خطيبها محمد العمروسي

تحدثت الفنانة مي فاروق عن علاقتها بخطيبها الفنان محمد العمروسي وفرق العمر بينهما، معلقة: «معملناش حاجة غير إننا أعلنا للناس إننا ارتبطنا».

وتابعت مي فاروق في تصريحات تلفزيونية لها: «فجأة وأنا قاعدة في البيت وبشوف الأخبار اللي بتتكتب وكلها مش صح حسيت إن أوحش حاجة في الدنيا لمجرد أن تطلع تريند أو تعمل مشاهدات تأثر على حد أو تتكلم على حد بشكل مش مظبوط أو تقول خبر مش مظبوط عشان مشاهداتك تبقى أعلى».

مي فاروق ومحمد العمروسي

واستكملت: «دي حياة وإحنا بني آدمين شفت كل اللي حصل من بعد إعلان الخطوبة حاجة مش حلوة وقعدنا نهزر على فيسبوك على موضوع السن وفي الآخر والأول الناس ملهاش دعوة بحاجة».

واختتمت الفنانة مي فاروق: «والحمد لله ربنا يوفقنا وأتمنى أني أكون عند حسن ظن الناس دايمًا في شغلي والناس تتعلم تفرق بين شغل الفنان وحياته لإني من الناس اللي مش بتحب تتكلم عن حياتها الشخصية».

محمد العمروسي وخطيبته مي فاروق

محمد العمروسي ومي فاروق

وكان قد سخر الفنان محمد العمروسي من شائعات فارق السن بينه وبين خطيبته الفنانة مي فاروق، وذلك بعدما انتشرت الكثير من الشائعات بشأن ذلك.

وكتب محمد العمروسي عن فارق السن بينه وبين مي فاروق، في منشور عبر حسابه الرسمي بموقع فيس بوك: «من المضحك إنك تلاقي أخبار عنك».

وتابع: «ومعلومات أنت شخصيًا أول مرة تسمعها في حياتك عن نفسك لا وكلها غلط.. من ضمنها موضوع فرق السن طب والله أنا الأكبر.. إنتي مش شوفتي بطاقتي يابنتي».

خطوبة مي فاروق ومحمد العمروسي

خطوبة مي فاروق ومحمد العمروسي