مي كساب تحذف صورها العائلية: «عدى عليا 11 سنة صعبين جدًا»

سردت الفنانة مي كساب قصة معاناتها خلال الـ 11سنة الماضية، وكتبت عبر صفحتها بموقع التواصل الاجتماعي «فيس بوك»، بعد تعافيها من فيروس كورونا ​قائلة: «الكام يوم اللي فاتوا كانو أطول مدة أقعدها لوحدي في حياتي وبعترف شفت الحقيقة الكاملة.. حقيقة نفسي.. حقيقة كل حاجة حواليا».

وأضافت، «ارفت قيمة كل حاجة، وندمت على كل لحظة ظلمت فيها نفسي أو ظلمت حد من اللي بحبهم وبيحبوني، اللي بتكتب دلوقتي مي بس بتاعة 2010، بس بمخ العشرين سنة اللي اشتغلت فيهم ونجحت وأخفقت بسبب ظروف وأوضاع اتفرضت عليا».

واستكملت، «بس الحمد لله راضية تمام الرضا على كل ابتلاء وكل مشكلة اتحطيت فيها، لأن في الآخر ربنا سبحانه وتعالى كان بيحلهالي في الآخر عشان أقدر نعمه، أنا عدى عليا 11 سنة صعبين جدا، يمكن القريبين مني عارفين أنا استحملت إيه وواجهت إيه، أنا مسحت كل لحظة مش عاوزة أشوفها تاني عشان بتفكرني أني كنت مش أنا، وسببت كل لحظه وكل عمل وكل صورة بتعبر عني وعن اللي جوايا، وعن أكتر حاجات مأثرة جوايا كفنانة وكإنسانة، ومسحت كل صوري العائلية ولو إن دي مش أنا لحد ما أرجع أنا وأسجل لحظاتي الحلوة مع عيلتي الجميلة، أكبر نعمة من رب العالمين، جوزي وأولادي وأهلي وأصحابي وزملائي رفاق الرحلة الأوفياء الصادقين، السند والضهر اللي خلاني أعرف أعدي الـ 11 سنة دول».

واختتمت، باعترف عقبال عوضك كان عوضي الفني والإنساني بعد صبر 11 سنة، حبيت أفضفض معاكم وأطلع اللي في قلبي عشان دي أنا بأحكي اللي جوايا عشان نيتي بتكون إن اللي مريت بيه يكون مفيد لغيري ويتعلم منه حاجة تأثر فيه وتغيره للأحسن وبإذن الله العلي الكريم أنا هارجع أنا وهأحارب وأقاوم كل روح شريرة وكل طاقة سلبية أثرت عليه في السنين اللي فاتت، وربنا يقدرني وأكون إنسانة صالحة وفنانة صاحبة رسالة وأكون خير في الدنيا، بحبكم من قلبي وحقيقي حبكم ليا هوه الحياة».

مي كساب تعلن تعافيها من فيروس كورونا

مي كساب توجه رسالة لجمهورها من العزل : «وقوفكم جنبي أكبر منحة من رب العالمين»