مي كساب: وزني وصل 108 واسمي على التتر بيعملي مشاكل

كشفت الفنانة مي كساب أسرار من حياتها الشخصية، موضحة أنها كانت متفوقة دراسيًا، ومجموعها في الثانوية العامة 81%.

وتحدثت مي كساب عن أرقام الأجور، موضحة أنها لا تركز في لقب الأعلى أجرًا، مضيفة: «عمري ما سألت على أجور زمايلي لأنها أرزاق، ورقم المشاهدة أهم من رقم التريند اللي بقى بفلوس، كمان رقم الإيرادات بيفرقلي جدًا وبصدقه».

تصريحات مي كساب

وفيما يخص سر خلافاتها بسبب الأسماء على التترات، علقت قائلة: «رقم اسمي على التتر بيعملي مشاكل لأني بحسبها على الأصول في حين الناس بتحسبها حسابات تانية للشغل والمجاملات وده بيضايقني بتكون غير منصفة».

واستكملت مي كساب: «مش بثق في السوشيال ميديا وبقى فيه حملات مدفوعة عشان كده مش بنساق وراها»، لافتة إلى أنها دخلت مجال الغناء وهي في عمر الـ 10 سنوات وشاركت في فوازير، وأول أجر لها كان 60 ألف جنيه.

أسرار مي كساب

وأكدت أنها مؤمنة بأن الأربعين هو سن الرشد، وأن التربية والتعليم وخبرات الحياة هما مقياس الشخصية وليس رقم العمر، مضيفة: «مكنتش بربط أهداف الحياة برقم عمري بس لما بقيت أم ندمت وأنصح إن الجواز يبقى بدري عشان تكبروا مع ولادكم».

وفيما يخص فقدان وزنها بشكل كبير، قالت مي كساب: «لما وصلت لوزن 108 اكتئبت وقررت أعمل عملية».

مي كساب