نجل الشهيد وائل طاحون يوجه رسالة قوية للإرهابيين : «هكمل مسيرة والدي وزوج أختي..أحنا مش هنخلص وهنفضل نحمي بلدنا» .. فيديو

ألهبت كلمات الطالب بكلية الشرطة عاطف وائل طاحون نجل الشهيد البطل العميد وائل طاحون حماس جميع الحاضرين في حفل عيد الشرطة الـ68 بحضور الرئيس السيسي.

وقال نجل البطل : «والدي الشهيد البطل العميد وائل طاحون مفتش مباحث الأمن العام، وزوج أختي الشهيد البطل الرائد ماجد عبد الرازق معاون مباحث قسم شرطة النزهة - قدموا حياتهم فداء لمصر وأصبحوا بالنسبة لي المثل والقدوة، علشان كده أصريت أني أكمل مسيرتهم وأدخل كلية الشرطة مصنع الرجال .. أول ما استشهدوا يا فندم لقيت نظرة الناس كلها فخر واعتزاز بيهم، وده أعطاني العزيمة والإصرار لمواصلة الطريق علشان أكون امتداد للأبطال فى تحمل مسؤولية أمن مصر».

وأستكمل نجل الشهيد وائل طاحون .. «دخلت كلية الشرطة شفت التحدي والإصرار فى عيون كل زملائي الطلبة لمكافحة الإرهاب وأهل الشر، عايز أقول للإرهاب واللي واقف وراه أحنا مش هنخلص وهنفضل نحمي بلدنا وبعاهد سيادتك يا أفندم وكل المصريين بتقديم نفسي أنا وكل زمايلي لحماية وطننا وشعبنا العظيم .. ودايما تحيا مصر .. تحيا مصر .. وتعيش يا زعيم تحمي مصر».

 

https://www.youtube.com/watch?v=JzuOHdByoto