ننشر اعترافات زوجة الشرقية بعد القبض عليها.. أنا مسحورة

أدلت 'نداء' الزوجة المتهمة بالتعدي بالضرب المبرح على حماتها في محافظة الشرقية، بأقوالها أمام جهات التحقيق، ' أنا مسحورة بقالي فترة وأهلي ذهبوا لشيوخ وعرضي عليهم،  ولما ضربتها مكنتش أقصد أعمل كده وندمانه على الا عملته فيها'.

وأضافت المتهمة في أقوالها،  أن «سبب المشكلة، إني كنت سألت حماتي بقولها هي فين الفلوس الا جوزي بيرسلها،  قالتلي أنا معرفش حاجة، عايزة تعرفي روحي أسأليه».

واقعة مؤسفة في الشرقية

وتعود تفاصيل المواقعة  عندما قامت إحدى السيدات بالضرب المبرح على حماتها العجوزة، عندما  تداول مستخدمو مواقع التواصل الاجتماعي 'فيس بوك'  مقطع فيديو يظهر فيه سيدتان إحداهما شابة تتعدي بالضرب على حماتها العجوز داخل منزلهما، ما أثار غضب .

القبض على سيدة الشرقية

وبفحص الفيديو من قبل الاجهزة الأمنية، بمديرية أمن الشرقية، تم القبض على ربة المنزل، وجاري التحقيقات معها، والتي طلبت النيابة سرعة إجراء التحريات حول ظروف وملابسات الواقعة، وسؤال الشهود وتفريغ الكاميرات.

نجل سيدة الشرقية

ويذكر أن  نجل السيدة العجوز المعتدى عليها من زوجته،  منشور على موقع التواصل الاجتماعي والذي يعمل خارج مصر، غاضبا من تصرف زوجته قائلا: 'أمي.. حقك عليا يا نور عيني لو إني موجود مكنش حصل اللي حصل ملعون أبو الغربة للأسف دي مراتي اللي بتضرب أمي اللي هي في مقام أمها دا المفروض يعني كانت علطول أمي تقولي معلش يا علي وآدي أخرتها مراتي اسمها نداء حمدي أحمد محمد أبو زيد وأمها اللي كانت ظاهرة في الفديو اسمها راندا محمد العراقي حبيت أنزل الفديو علشان ماشيين يقولوا في البلد إن أمي هي اللي ضربتها الأول وهما مش ضربوها بس الحمد لله نسيوا إن في كاميرات أنا قسما بالله بمر بظروف ما يعلمها إلا الله وحق أمي هاخده نازل مصر إن شاء الله قريب وحسبي الله ونعم الوكيل'.

السيدة المعتدي عليها.. ضربتني علشان مجبتلهاش عاشوراء

وقالت  ' حنان' السيدة العجوز المعتدي عليها، ضربتني عشان مجبتلهاش عاشوراء.. وكنت بخبي على ابني اللي بتعمله فياض والذي يعمل في الخارج من أجل لقمة العيش، و ترك زوجته وابنته 4 أشهر.

تستكمل حنان سيدة الشرقية المعتدي عليها، أنها تعدت عليها بالضرب وهي تجلس على سلم العمارة أمام والدتها، التي حاولت إبعاد ابنتها،  عشان مجبتش ليهم موسم عاشوراء أيام ما كانت مخطوبة من سنة ونص وهي دلوقتي بقيت زوجة ابني وعندها طفلة'.

وتابعت ' حنان' أن زوجة ابني مش طبيعية كل شوية مشاكل، وانا ممشية الدنيا عشان بيت ابني ميخربش، لكن بعد اللي حصل أنا خوفت منها ومأمنش أقعد معاها تاني في بيت واحد، وأن إبني مركب كاميرا في البيت ومربوطة بتليفونه، وعلم بالواقعة لما شاف اللي حصل في الفيديو وشاف مراته وهي بتضربني، وبعدها كلمني عشان يسألني على اللي حصل وكان مضايق، ونزل من السفر'.

وقتلت' حان' سيدة الشرقية، أول ما نزل قعد يعيط وخدني في حضنة ويبوس رجلي، وأنا مسامحه عشان خاطره بس أنا عايزة حقي منها، و كنت بخبي على ابني اللي بتعمله فيا وأقول مع الأيام هتتعدل وابني يبعتلها كل شهر مصاريف ليها ولعلاج بنتها ومصاريف ليها، وكنت بشقى عشان مخلهاش محتاجة حاجة'.