علقت الإعلامية نهال طايل، على واقعة محاولة اختطاف حبيبة الشماع فتاة الشروق أثناء رحلتها بسيارة نقل شهيرة بمنطقة التجمع شرق القاهرة، قائلاً: «حبيبة في أزمة ومحتاجة دعائنا كلنا».

وأضافت الإعلامية نهال طايل خلال تقديمها لبرنامج «تفاصيل» المذاع على قناة صدى البلد: «حبيبة مثال لكل أم ربت بنتها، وكل بنت ممكن تواجه أي خطر بإنها تحافظ على نفسها».

وتابعت نهال طايل في تعليقها: «الأزمات اللي من النوع ده بقت كتير أوي، والمجرمين بقوا خارج قائمة الإجرام، وبقوا غير اللي بنشوفهم في الأفلام والدراما، واتطوروا دلوقتي، كل ده عشان أم تستقبل خبر زي ده وربنا وحده اللي عالم بيها دلوقتي».

وووجهت الإعلامية نهال طايل رسالة مؤثرة للجمهور على الهواء: «عارفين لما بنربي بناتنا؛ بنربيهم أوي، والأم بتحفظ بنتها حاجتين، تحافظ على نفسها وتحافظ على أهلها أوي، ومن هنا بقت تشيل مسئولية كبيرة على أكتافها.

من جهتها كشفت والدة حبيبة الشماع المعروفة بـ «فتاة الشروق»، تفاصيل الحالة الصحية لابنتها بعد قفزها من السيارة، موضحةً أنها لاتزال غير مستقرة ولا توجد أي أنباء جديدة حول تطورات الحالة الصحية، ومازالت في نوبة من الإغماء، لأنها تعاني من نزيف وارتشاح بالمخ.

واقعة اختطاف فتاة الشروق

وتابعت والدة فتاة الشروق في مداخلة هاتفية مع الإعلامية نهال طايل خلال تقديمها لبرنامج «تفاصيل» المذاع على قناة صدى البلد: سائق السيارة كان مشغل أغاني بصوت عالي، وحبيبة طلبت منه التوقف عنها لكي تستطيع التحدث معي، وحينها سمعت صوت عالي بينهما بسبب رفضه طلبها، ولما سألت حبيبة قالت لي ده بيتكلم في التليفون سيبك منه، وشوية وقفلت معاها.

وتابعت والدة حبيبة الشماع: لقيت واحدة من صحابها بتكلمني بعدها بشوية وبتقولي إن هما كانوا بيتصلوا على حبيبة عشان اتأخرت عليهم، ولما اتصلوا أكثر من مرة اتفاجئوا إن راجل بيرد على التليفون بتاعها وبيقولهم صاحبة التليفون ده أنا شوفتها واقعة من عربية على الأرض وفاقدة الوعي، وأنه سيأخذها إلى المستشفى.