نور نجل هشام سليم يكشف معاناته: مفيش حد بيصحى بين يوم وليلة يقول أنا هبوظ حياتي

أثار نور هشام سليم جدلًا كبيرًا خلال الساعات القليلة الماضية، بسبب حديثه عن قرار التحول الجنسي.

قال نور هشام سليم عبر حسابه الشخصي بموقع انستجرام: «على المجتمع التعامل مع الأفراد الذين يمرون بهذه التجربة بقدر أكبر من الرحمة والدعم النفسي، بدلًا من إصدار الأحكام أو الرفض، مشيرًا إلى أن الاحتواء يسهم في تقليل المعاناة وتحسين الحالة النفسية.. مفيش حد بيصحى بين يوم وليلة ويقول أنا هبوظ حياتي كلها، وأفضل في مشاكل قانونية».

تصريحات نجل هشام سليم

وتابع: «ولما فكرت في الموضوع ده كان عندي 4 سنين، وبسبب إني عايش وحاسس إن فيه حاجة غلط وكل ما أقول لشخص أنا ولد يقولي لأ أنت بنت، وروحت لدكاترة نفسية وسألتهم أعمل إيه ومكنش فيه حل وكان عندي أفكار في الانتحار وبقول للناس لو ممرتوش بالموضوع ده يبقى متنتقدش وارحمونا شوية ولو عليا هقعد مع أهلي في مصر».

وفي وقت سابق، أشار إلى أنه ما زال مسجلًا كأنثى في بطاقة الرقم القومي المصرية، وكشف سر انتقاله إلى البرتغال.

سبب انتقال نور هشام سليم إلى البرتغال

قال نجل هشام سليم: «أصعب حاجة أنك تاخد القرار، أكيد القرار مش عادي، فاكر أول مرة بصيت فيها لنفسي في المراية وشفت نور، كانت لحظة مش عارف أشرحها، لو أنت على مركب في نص البحر والماتور مش شغال وبقالك 23 سنة في الماية ومفيش حد بينقذك وقاعد وتعبان، وبعدين مرة واحدة شفت نيويورك.. لو البلد كانت معيشاني عادي كنت هعيش في البلد عادي مفيش مشكلة، أنا مصري وبحب مصر، بس للأسف مصر مبتحبنيش مش عارف ليه».