هاجر الشرنوبي ترد على منتقدي قبلتها لابنها: إيه المرض ده؟

أثارت الفنانة هاجر الشرنوبي ضجة واسعة وجدلًا كبيرًا خلال الساعات الماضية، بسبب تعرضها لانتقادات عقب احتفالها بعيد ميلاد ابنه ونشرها صورة وهي تُقبله، مما جعلها تتصدر التريند.

خرجت هاجر الشرنوبي عن صمتها، وردت على الانتقادات التي تعرضت لها من خلال مقطع فيديو نشرته عبر حسابها الرسمي بموقع انستجرام، قالت فيه: «مساء الخير يا جماعة، عايزة أتكلم عن حاجة مضايقاني جدًا، صحيت الصبح على كمية تعليقات مش طبيعية من ناس واضح إنهم مش طبيعيين».

رد هاجر الشرنوبي على الانتقادات

وتابعت: «أنا منزلة صورة لابني وأنا ببوسه بمناسبة عيد ميلاده، وفجأة لقيت تعليقات زي: إيه لازمتها البوسة؟ وتربية مش عارف إيه، إيه المرض ده؟! بجد مش لاقية تفسير للي بيتكتب غير (في قلوبهم مرض فزادهم الله مرضًا)».

واستكملت هاجر الشرنوبي: «يعني إيه المشكلة في صورة عيد ميلاده وأنا ببوسه؟ بجد مش فاهمة! الموضوع غريب جدًا، وأنا مش عارفة فين المشكلة أنا بشوف تعليقات سلبية كتير، وبصراحة مبدخلش أرد عليها، ولا عمري عملت لايف، ولا طلعت أتكلم، لكن المرة دي الموضوع يخصني، ودي صورة لابني في عيد ميلاده».

هاجر الشرنوبي

انتقادات ضد هاجر الشرنوبي بسبب ابنها

وأضافت: «مش طبيعي إن الناس تدخل تكتب تعليقات سلبية بالطريقة دي، عايز تقول نصيحة ابعتها في رسالة لكن أنك تكتب بالطريقة دي قدام الناس، ده بشع! بجد مش لاقية أي مبرر أو تفسير للي بيحصل غير إن فيه ناس عندها مشكلة عقلية، يعني إيه المخ ده يهيأ لهم إن صورة أم بتبوس ابنها حاجة غلط، أنا مستحملة وعادةً بكبر دماغي، لكن لما الموضوع يوصل لكده، آسفة، لازم أقول STOP، الحمد لله فيه ناس بتفهم، وبيدخلوا يردوا على التعليقات دي».

واختتمت هاجر الشرنوبي: «أنا لحد دلوقتي مرديتش، لكن بجد الموضوع صدمني، مش قادرة أستوعب إن فيه ناس دماغها بالشكل ده، اللي بيحصل ده مش طبيعي، وبصراحة الموضوع استفزني جدًا، معنديش كلام تاني أقوله غير إن الناس دي لازم تتعالج، أنا متوترة لأني لأول مرة أعمل لايف، بس كان لازم أرد عشان الموضوع مش طبيعي وصدمتني ردود الأفعال».

 

View this post on Instagram

 

A post shared by Hagar Elsharnoubyهاجر الشرنوبي (@hagarelsharnouby)