هل تعتزل حلا شيحة التمثيل بعد خلافها مع تامر حسنى .. القصة الكاملة لأزمة فيلم «مش انا»

أثارت الفنانة حلا شيحة الجدل على السوشيال ميديا، بعد أزمتها الأخيرة مع تامر حسني، حيث أنها تبرأت من المشاهد التي جمعتها بالفنان تامر حسني في كليب فيلمهما الجديد «مش أنا»، والذي يُعرض حاليا في السينمات.

مهاجهة حلا شيحا لـ تامر حسني بعد فيلم «مش أنا»

وقالت حلا، «إحنا يمكن نجحنا بمقايس الدنيا، بس صدقوني بمقايس ربنا إحنا لم ولن ننجح، أنا عارفة ومتأكدة إن زملائي جُواهم خير، بس للأسف فتنة الشهرة والنجاح مش بتخلينا نشوف ونقيس الأمور صح.. بتكلم من قلبي، الكليب ده ميرضيش ربنا، وأنا عيطت لأني شفت نفسي في المشاهد دي، دي كانت زلة نتيجة ظروف مريت بيها، وكلنا بنغلط ولازم نغلط، علشان إحنا بشر بس المصيبة إننا بنغفل وبننسى».

وأضافت، «أنا اتفاجئت جدا بنزول كليب يجمع فيه مشاهد متفرقة من الفيلم وفي أيام ذي الحجة.. أيام مُباركة وخصوصًا بعد آخر بوست نزلته ووضحت فيه أنا إيه، واتفاجئت أكتر خصوصًا بعد وعد تامر حسني ليا وتأكيده إنه هيحترم رغبتي، وبعض الطلبات اللي طلبتها منه بكل احترام وود الصيف اللي فات، وأكدلي إنه هيحترم رغبتي».

وتابعت: «أنا مش هتكسف من حد.. أنا تبت من المشاهد دي وهي لا تصح، وأنا غلطت وبصلح وأهم حاجة إن ربنا يرضى عني لأن في الآخر ده اللي هينفعنا.. مش الشهرة ولا النجاح، لا هو مش نجاح أصلا.. علشان النجاح الحقيقي حاجة تانية خالص.. إحنا أغلبنا ناسينها إلا القليلين منا».

رد تامر حسني على حلا شيحة

علّق الفنان تامر حسني على مهاجمة الفنانة حلا شيحا له، بعدما شارك بفيديو غنائي من فيلمهما «مش أنا» عبر صفحته الشخصية، وهو ما أزعجها.

وقال «حسني» عبر صفحته الشخصية بـ«فيسبوك»: «نهاركم جميل يا أغلى الناس، الحقيقة عمري ما بتخيل أني أدخل في نقاش بالشكل دا مع زميل بحترمه وكان في بينا كل خير، للتوضيح بما إنك يا حلا كتبتي بوست وأشركتي الجمهور الكريم معانا بدل ما كنتي تكلميني شخصياً ونتناقش بيني وبينك، فا أنا مضطر أرد هنا برضو».

وأضاف «أولاً أنا عمري ما وعدتك أن الكليب مش هينزل دا محصلش أصلاً يا حلا مش أنا خالص اللي أوعد وأخلف، الحقيقة أني احترمت كلامي معاكي ووعدتك أشيل مشاهد تانية طلبتيها وشيلتها بالفعل وشكرتيني عليها ولو حابه تفتكري المشاهد اللي اتشالت بعد أذنك روحي شوفيها في المونتاچ عند الأستاذ عمرو عاكف أو كلميه يبعتهالك كلها موجوده، وبعدين الفيلم بقاله ٣ أسابيع في السينمات والكليب موجود جوه الفيلم هو بالنسبالك الحرام أننا ننزل الكليب على اليوتيوب بس».

واستكمل: «أنما الكليب يتشاف جوه السينمات عادي؟ منطق غريب فعلاً يا حلا، وبعدين هو مش أنتي اللي مضيتي عقد وتقاضيتي عليه مبلغ كبير عشان الدور دا بعينه، هو مش إنتي اللي صورتيه ومثلتيه بنفسك وبمنتهى الرضا ولاّ حد أجبرك ؟! وللتوضيح للجمهور الكريم أنا والمخرجة الأستاذة سارة وفيق بعتنالك وكنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظة تقوليها، ماكنتيش بتردي علينا وتليفوناتك كلها كانت بتقفل في وشنا».

واستطرد: «أنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا ولو كان ليكي أي طلب تاني كنت هعمله بكل حب أنما أنتي فجأة أختفيتي ومكملتيش تركيب صوتك في الفيلم ولا جيتي تتصوري عشان آفيش الفيلم أصلًا ومخليتيناش نعرف نعمل آفيش مجمع، وبقيتي تقفلي تليفوناتك وتكنسلي علينا كلنا وبعدين أي فيلم بيبقى له خطة مسبقه في الدعاية وأنتي عارفاها كويس ووافقتي عليها ودا كليب رومانسي يعني معقول كنتي عايزة المنتج يشيل كل مشاهدك اللي صورتيها من الكليب ويطلعني بغني وبقول الكلام الرومانسي دا للأستاذ ماجد الكدواني مثلاً هو دا يُعقل؟».

واختتم كلماته قائلًا: «أنا زعلان منك جداً يا حلا على مفردات البوست بتاعك الغير موفقه ومستحيل هرد بطريقتك اللي فيها تجريح واتهامات باطلة ليا إحتراماً لحجاات كتير يمكن فايتاكي بس مش هتفوتني وعلى فكرة أنا واثق أنك عارفة أني مستاهلش منك كدا وهكتفي بالتوضيح دا وربنا يهدي الجميع ويكتبلك كل الخير اللهم آمين».

ردود فعل الفنانين حول تبرأ حلا شيحا من فيلم «مش أنا»

أعربت الفنانة راندا البحيري، عن استيائها الشديد من تصريحات الفنانة حلا شيحة الأخيرة، عبر حسابها الشخصي بموقع تبادل الصور والفيديوهات «انستجرام».

وكتبت راندا في منشور عبر فيس بوك :«هو محدش فهمها ان اللي بتعمله ده ممكن يعرضها للمسائلة القانوينة و أنها بتضر بسمعة فيلم و بالتالي إراداته؟، و بتتكلم عن ممثل و نجم بحجم تامر حسني بالشكل ده اكنها احسن منه، و احنا كلنا عارفين الخير اللي بيعمله تامر طول عمره في الخفا و في العلن علي ايدينا كلنا».

وأضافت، «فضله علي ناس كتير اوي و ربنا جعله سبب لفتح بيوت ادد كده، تقووم دي تنصحه؟ لالا والله هم يضحك».

كما أعرب المخرج ماندو العدل، عن استيائه الشديد من تصريحات الفنانة حلا شيحة الأخيرة، عبر حسابه الشخصي بموقع تبادل الصور والفيديوهات «انستجرام»

وقال ماندو في منشور عبر فيس بوك :«ياريت بس لما تطلقي مترجعيش تقولي عايزة امثل تاني يا استاذة حلا».

راندا البحيري تهاجم حلا شيحة : «محدش فهمها ان اللي بتعمله ده ممكن يعرضها للمسائلة القانوينة»

تامر حسني لـ حلا شيحة: «أنا زعلان منك جدا»