في عيد ميلاد عادل إمام الـ 84 يسرا تكشف كواليس تصوير فيلم الإنس والجن

استعادت النجمة يسرا، ذكرياتها مع الزعيم عادل إمام، من كواليس تصوير فيلم الإنس والجن، بمناسبة الاحتفال بعيد ميلاده الـ 84.

وتحدثت يسرا، في لقاء خاص لبرنامج أنا وهو وهي، الذي تقدمه الإعلامية دينا رامز والإعلامي حسام المراغي عبر شاشة قناة صدى البلد، قائلة: «بفيلم الإنس والجن كان في مشهد حوليا نار، وكان أستاذ عادل إمام قاعد في الأستوديو، وأنا مشهدي كان لوحدي، ولما صرخت أول لما شوفت النار، قال: دي صرخة واحدة شافت نار مش صرخة عادية»، مؤكدة على احساسه الفنّي وأنه شخص غير عادي.

وأشارت يسرا، قائلة: «استغربت جدًا لما عرفت أنه هيعمل دور الجن، وقولتله أنت لازم تطلع طيب، قالي: لأ أنا لازم أطلع الجن؛ لأن ده الجديد بالنسبة ليّ إني أعمل شئ غير متوقع».

وكشفت يسرا عن وقوع الزعيم عادل إمام من على كورسي أثناء تصوير مشهد ضمن أحداث فيلم الإنس والجن، قائلة: «كان في مشهد بيقولي فيه: هسخطك مسخ دميم، وهو كان في شاريو وعليه كرسي بيانو بيقعد عليه الزعيم، عشان هو في المشهد المفروض أنه بيطير، وقع مرة من على الكرسي فك بيه، والضحك مسكني أنا وهو».

وأضافت يسرا، قائلة: «كان المفروض الراحلة أمينة رزق تخش على كيو معين، كريزة الضحك اللي مسكتنا، وهي فتحت علينا الباب وقالت: إيه أنا واقفة بقالي ساعة ونص واقفة بره أنتم بتعملو إيه؟، قولت لها بنضحك ونهزر».

https://www.youtube.com/watch?v=lUTIV5nU64Q