ياسر جلال عن جدل الأجور: موصلتش لـ 40 مليون ولا أعرف استمتع لما أقول أنا الأعلى أجرا

علق الفنان ياسر جلال على جدل أجور النجوم في الدراما، موضحًا أنه لا يتقاضى الأرقام الفلكية التي يتم تداولها.

قال ياسر جلال عبر تصريحات تلفزيونية: «المنتج أو الزميل اللي يطلع يقول الممثلين بياخدوا 40 و50 مليون، أنا بطلب منه يورينا العقد».

وتابع: «الكلام ده مش موجود وبعض الزملاء بيقولوا أنا الأعلى أجرًا وده تسويق لنفسهم لكنه مش صحيح.. ميزانية المسلسل كله 100 مليون جنيه ويوم التصوير الواحد بيتكلف أكتر من مليون جنيه.. يبقى إزاي أخد 40 و50 مليون؟».

وأضاف ياسر جلال: «حتى لو فيه 2 أو 3 وصلوا لكده، ماذا عن الخمسة آلاف الباقيين؟ مش كل الناس كده»، لافتًا إلى أن أقل أجر حصل عليه كان في مسلسل الاختيار.

واختتم: «كان شرف ليا إني أقدم مسلسل لبلدي ولجيش بلدي، بيوثق لحظة فارقة في تاريخ مصر، وأجسد شخصية رجل عظيم كلنا بنحبه ونحترمه.. شخصية الرئيس عبدالفتاح السيسي، هذا الرجل المحترم، والله لا رياء ولا نفاق، لما بسافر أي دولة يقولولي: والله بنحسدكم على الرجل المحترم ده.. الناس بتقول كده فعل، أما أنا باخد أقل أجر من زمايلي وراضي بيه الحمدلله.. موصلتش لـ40 مليون، أنا باخد تلت المبلغ ده تقريبًا ومبعملش إعلانات، ولا بطلع في برامج، ولا عندي بيزنس، شغلي هو التمثيل وبس، أنا لا أعرف أستمتع ولا أحس بنفسي لما أقول أنا الأعلى أجرًا في مصر، لكن أقول أنا قدمت دور الرئيس، والاختيار، والفتوة».