ياسمين عز تكشف دليل التعامل مع الزوج الزملكاوي: اكتمي جرعة النكد

وجهت الإعلامية ياسمين عز نصائح لزوجات مشجعي نادي الزمالك، بعنوان: «دليل التعامل مع الزوج الزملكاوي» بعد خسارة القمة والدوري.

نصائح ياسمين عز عن الزوج الزملكاوي

قالت ياسمين عز في برنامجها التلفزيوني: «فرعونك الزملكاوي من بداية الموسم عنده أزمة ثقة كبيرة في أقرب الناس له، واللي فاكره شاريه بيبوعه وخانته ثقته في كل أحبابه، لأن لاعيبة مهمة في فرقته غادرت لفرق منافسة».

وتابعت: «بلاش تقفي له علي الواحدة ولو مسك تليفونك قوليله خد راحتك ولو نزل في أي وقت متسألهوش رايح فين وجاي منين ولو رفض تنزلي تقولي له حاضر.. فرعونك الزملكاوي اليومين دول بيهرب من كل ورسائل التواصل الاجتماعي على الموبايل بسبب ظاهرة دخيلة علينا وهي التحفيل».

ياسمين عز

تصريحات ياسمين عز

واستكملت ياسمين عز قائلة: «هتلاقيه بيقضى معاكي أطول فترة ممكنة ونادرًا لما يمسك موبايله خليكي إنتي بقى رقيقة معاه ومتزوديش نكد علي نكده واستغلي الفرصة، وحاولي تقللي معاه جرعة النكد واكتمي أي نكد لحد لما موده يتعدل، وبلاش طلبات مبالغ فيها».

وقالت أيضًا: «إحنا دلوقتي في فترة الانتقالات ولاعيبة عقودها بتخلص ولاعيبة بتجدد عقودها وهو عنده مشكلة في العقود ياريت متفتحيش معاه أي عقود أو كلمة عقود خاصة بالإيجار أو شغل أو أي شيء، أو قيد أي شيء.. باختصار فرعونك حبيبك الزملكاوي لو خط دفاعه خذله الفترة الأخيرة لازم تكوني خط دفاعه الأول اللى ميدخلش فيه جون ولو خط وسط خذله لازم تكوني رمانة الميزان في كل قراراته ولو هجوم خذله لازم تكوني مهاجمه الأول مع أي حد يحاول يضايقه أو يهاجمه».

نصائح ياسمين عز

ومن نصائح ياسمين عز أيضًا، قالت: «وإنتي بتعملي السلطة لجوزك متحطيش الطماطم المؤنث جنب الخيار المذكر غلط وعيب، دي دراسة وطبق السلطة العشوائي بتعمل طاقة سلبية ونكد في البيت، ومكونات طبق السلطة خيار وفلفل وبصل وبقدونس وأصل طبق السلطة هي واحدة ست اتأخرت عن تحضير الغدا لزوجها».

واستكملت: «قالت الست إنها مش هتقدم لزوجها خضار متاكل فقررت تقطعه وتقدمه لزوجها، وهنا نشأت السلطة، هي مفيدة لكن أصل الموضوع لغبطة وهي آخر حاجة تتعمل بعد الأكل ولكن تتقدم أول حاجة».

ياسمين عز

ياسمين عز