يسرا تكشف سبب توقف تصوير مسلسل قلب شمس.. ما علاقة منتخب مصر؟

أعربت الفنانة يسرا عن سعادتها بتأهل منتخب مصر لدور الـ 16 من بطولة كأس العالم 2026، وأوضحت أن أجواء الفرحة امتدت إلى مكان تصوير مسلسل قلب شمس.

قالت يسرا عبر تصريحات تلفزيونية: «ألف مبروك لمصر وللوطن العربي ولينا كلنا وربنا يديم الفرحة.. إحنا هنا في الشغل وقفنا تصوير واتفرجنا على الماتش».

واستكملت: «والفرحة كانت عظيمة جدًّا، مش عارفة أوصفها إزاي.. فرحتنا عظيمة جدًا وكمية فيديوهات وصلتني من جميع أنحاء الوطن العربي لم تحدث من قبل».

وأضافت يسرا: «أنا كنت هموت من الخوف في ركلات الجزاء وربنا جبرنا جبر كبير ورجالتنا هناك زي الفل ربنا يحميهم ويرجعهم بالسلامة ومنصورين إن شاء الله وإن شاء الله احنا هنكسب الأرجنتين بإذن الله وبشكر الكابتن حسام حسن والجهاز الفني واللاعبين والجميع، وفرحانين بيهم وفخورين بيهم ورافعين رأس مصر كلها».

واختتمت: «ومهما نقول الكلام بيعجز عن التعبير عن الفرحة اللي جوانا، مفيش حد مش فرحان، الناس بتكلمنا من كل حته، ولو شوفت الميديا كلها بتحب مصر، إحنا كوطن عربي بنحب بعض، وبنفرح لبعض».