آدم الشرقاوي يكشف معاناته الصحية: كنت أكره نفسي ولم أتعرف على وجهي

كشف الفنان الشاب آدم الشرقاوي عن السبب الحقيقي وراء ابتعاده عن الأضواء والساحة الفنية خلال العامين الماضيين، موضحًا أنه مرّ بمرحلة صحية صعبة كادت تدمر حياته بالكامل، قبل أن يتعافى ويستعيد توازنه الجسدي والنفسي.

ونشر آدم عبر حسابه الرسمي على موقع إنستجرام، صورة جديدة له، وأرفقها بتعليق مؤثر قال فيه: "كان ليا فترة طويلة ما نزّلتش بوستات، بس كنت محتاج أخد بريك.. من سنتين كنت تعبان جدًا، وزني وصل لـ110 كيلو، ماكنتش قادر أتنفس كويس، وكان عندي ضباب في الدماغ، لدرجة إني ماكنتش فاكر أيامي بوضوح، وآلام في المفاصل خلتني ماقدرش أقف كتير، والأسوأ جلطات في رجلي ومشاكل في الكلى، وجسمي كله كان منتفخ".

وأضاف: "كنت بكره كل حاجة في نفسي، ولما أبص في المراية ماكنتش بعرف نفسي، لكن دلوقتي الحمد لله رجعت لوزني الطبيعي 80 كيلو، بقيت رياضي أكتر، وكل أعضائي شغالة تمام، وضباب الدماغ اختفى، وبقيت موجود في اللحظة".

وأكد آدم الشرقاوي أنه ممتن لكل ما مرّ به، قائلًا: "حتى وأنا تعبان ربنا كان بيفتحلي فرص، ولما صحتي اتحسّنت قررت أستغلها، بشكر ربنا على التجربة اللي خلتني أشوف الحياة من منظور جديد، وحاسس إني دلوقتي مش ممكن أتحطم".

واختتم حديثه برسالة لجمهوره: "شكرًا لكل الناس اللي بتدعمني.. متحمّس أشارككم اللي كنت بشتغل عليه الفترة اللي فاتت".

يُذكر أن آخر أعمال آدم الشرقاوي كان فيلم "شماريخ" الذي لاقى تفاعلًا واسعًا وقت طرحه.