أبطال مسلسل العتاولة يكشفون قصة إصابة خطيرة تعرض لها أحمد السقا

كشف أبطال مسلسل العتاولة 3 كواليس وقصة إصابة الفنان أحمد السقا الخطيرة، وذلك أثناء التصوير.

قالت نسرين أمين عبر تصريحات تلفزيونية: «أحمد السقا قال لي هشيلك وسط الحريقة ولو خُفتي النار تمسك في شعرك هنرشه مياه وخلاص وأنا هطفيكي».

إصابة أحمد السقا

وتابعت: «الشغل مع أحمد السقا رائع لأنه إنسان على الحقيقة طيب وبيساعد الممثل اللي قدامه ودايمًا بيعطي نصائح في المشاهد، ومشاهد الأكشن مزاج، ومشهد الحريقة المفترض كان فيه دوبليرة بس هو حب أكون أنا اللي موجودة وهو يشيلني».

واستكملت نسرين أمين حديثها عن أحمد السقا: «وسألني قال لي إنتي قلبك جامد قلت له لأ، وبعدين حبيت أعرف لو قلبي جامد إيه اللي هيحصل فقال لي هشيلك بس هاخد بالي ومتخافيش، وعملنا المشهد من غير دوبليرة ورشيت مياه على شعري، والسقا بيتحول في مشاهد الأكشن وبيعمل حاجات شديدة الخطورة».

تصريحات أبطال مسلسل العتاولة

بينما قال عنه طارق لطفي: «أحمد السقا مجنون في الأكشن وبيدبسنا كلنا في حاجات شديدة الخطورة، ولولا ستر ربنا بالحاجات المجنونة اللي عملها في الأكشن كان حصله حاجات خطيرة ولكن علشان هو شخص طيب ربنا بيحبه».

وقال باسم سمرة عن أحمد السقا: «أصيب إصابة خطيرة جدًا في مسلسل العتاولة 2، اتخبط خبطة جامدة وكانت خطرة ورُحنا المستشفى والدكتورة قالت له 5 أيام راحة لكنه نزل التصوير تاني يوم».