أبنة الإخواني الهارب محمد شومان تطالب السلطات بحذف أسم والدها من البطاقة .. فيديو

هاجمت لوجين أبنة الممثل الهارب محمد شومان والدها وطلبت منه آلا يتحدث بأسمها أو أسم أسرتها لانها هرب وتركهم منذ سنوات، كما كشفت كذب والدها فى البيان الذي أصدره علي مواقع التواصل حول أسرته لتكشف الكثير من الحقائق والأكاذيب التي قالها والدها .

وقالت أبنة الممثل الهارب محمد شومان فى رسالة مصورة نشرتها عبر حسابها على فيسبوك  « اضطريت أسفة أعمل الفيديو ده بعد ما تجنبته لسنين لأسباب كتير أوي منها إن قليلين جدا اللي يعرفوا أنك بابا فعلا كان نفسي أكمل كده ومحدش يعرف ده رد على البيان اللي محمد شومان أصدره النهاردة على صفحته » .

واستكملت لوجين « أنا لوجين شومان أبنة محمد شومان اللي أصدر بيان النهاردة بيناشد السلطات أنهم ينقذوا أسرته اللي بيموتوا بالبطىء وانهم يفرجوا عن أخويا من غير أي شروط، الأول عاوزة اعلق على أننا مش أسرتك عشان أنت مجرد أسم على البطاقة واحنا مالناش صلة بيك وقطعنا كل ما له علاقة بيك من 5 سنين وأبنك اللي بتناشد السلطات علشان تطلعه ما تحملتش مسئوليته من وهو عنده سنة ونص واللي أمه ربته » .

واستكملت ابنة شومان عبر رسالتها .. «انت مش رب أسرتنا احنا رب أسرتنا أمنا انت مش مسئول عننا ولا مسئول مننا، مش من حقك تطلع تتكلم بلسانا أنت بتتكلم عن أخوك وابنه بس مالكش دعوة بينا وبيتحقق معاه علشان يتأكدوا أنه مالوش صلة بيك تماما، وهيطلع.. ماتدخلش أرجوك »

وأوضحت « لو عاوز تعمل صورة الأب، اللى هو عاوز ينقذ أولاده  انزل وواجه ده بنفسك بس ماتبقاش قاعد فى بلد تانية وتتكلم باسمنا، حاولنا نشيل اسمه ونرفع قضايا بس ماعرفناش وبنوجه رسالة للسلطات  لو هما يعرفوا يساعدونا نعمل ده  خليكوا معانا.. احنا بنحاول وأرجوك ماتتكلمش بلسانا وماطلعش بيانات  انت بتعمل ده بس علشانك » .

وأشارت خلال حديثها « بتتكلم عن فيلم وبتعمله له دعايا على قفانا مش عارفة أقولك ايه الحقيقة  أنت بتقول إن احنا بنموت بالبطئ ووجوده أذى لينا احنا موجودين هنا بإرادتنا مافيش أذى من الدولة علينا وجودك هو الأذى الوحيد فى حياتنا احنا هنا علشان عاوزين نفضل هنا ومن غيرك» .