أحمد السقا يكتب كلمات مؤثرة عن كريم عبد العزيز: متربي وابن ناس

حرص النجم أحمد السقا أن يكتب رسالة مؤثرة للفنان كريم عبد العزيز، يتحدث خلالها عن صداقتهم التي بدأت منذ صغرهم.

وكتب الفنان أحمد السقا عبر حسابه بموقع التواصل الاجتماعي فيسبوك: 'قاعد وصاحى بدرى ولقيت نفسى عايز أقول كلمه فى حق أجمل وأجدع صاحب قابلته ف حياتى من واحنا عيال صغيرين'.

وتابع: 'أنا كنت عايش ف شارع شهاب وهو عايش ف العجوزه والقدر ربطنا ببعض ومن يومها واحنا اكتر من الأخوات وربنا يخلينا لبعض لأنه بجد راجل وجدع ومتربى وابن ناس وطول عمرنا مابنقولش لبعض غير ازيك يا صاحبى عامل ايه يا صاحبى… أو مبروك يا صاحبى'.

واستكمل أحمد السقا حديثه، وقال: 'حقك عليا انى أقولك ربنا يخليك ليا يا صاحبى…… صاحبى واخويا اللى بجد كريم عبد العزيز…..رقبتى ليك يا صاحبى…. كلمة حق فى حقك يا صاحبى……ملحوظه عشان الناس اللى بتصطاد ف الميه العكره دي الصوره اللى كريم كسب بيها جوى أورد وفى كل الحالات صاحبى قمر'.