أحمد زاهر يكشف تفاصيل معاناته مع المرض: كنت أحلم بالموت

تحدث الفنان أحمد زاهر عن معاناته مع زيادة الوزن، موضحًا أنه ظل 3 سنوات يعاني من المرض ويتمنى الموت.

قال أحمد زاهر عبر تصريحات تلفزيونية عن معاناته مع المرض: «كنت يائس من الحياة وأحلم بالموت لأن موضوع زيادة وزني لم يكن سهل على الإطلاق وخلال فترة معاناتي مع مرض زيادة الوزن مراتي وقفت معايا».

تصريحات أحمد زاهر

وتابع: «رغم إني كنت عصبي وصعب جدًا، وبدأت أعافر وأعمل مجهود علشان أنزل وزني من 185 كيلو جرام ولما خسرت وزني كان هدفي إني أبني جسم مناسب لدور أكشن في فيلم فارس، وفعلا قعدت عامين أتدرب في الجيم وألعب حديد وربنا كان دايمًا واقف معايا وبيساعدني».

وقال أحمد زاهر عن كواليس مسلسل نعمة الأفوكاتو، الذي شارك به ضمن موسم مسلسلات رمضان 2024: «خسرت 22 كيلو من وزني علشان الدور وللظهور بشكل مناسب لشخص هزيل ومكسور نفسيًا والدور في نعمة الأفوكاتو شدني ولقيت الشخصية فيها حاجة جديدة لشخص مريض نفسي ومكسور وبيمر بمشاكل كتير».

مسلسل نعمة الأفوكاتو

أحمد زاهر ومحمد سامي

وتحدث عن تعاونه مع المخرج محمد سامي قائلًا: «دايمًا لما أشتغل مع المخرج محمد سامي، وده ثامن عمل أصوره مع سامي، بيكون في كيميا بيني وبينه، وإحنا أصدقاء وبنفهم بعض بالعين، وتوقعت النجاح لكن مش بهذا الشكل».

واختتم أحمد زاهر: «كل اللي بيتقال عن مسلسل نعمة الأفوكاتو يعتبر نجاح وشخصية صلاح أنصفتني كتمثيل لكن كل الناس بتشتمني في الشارع وبتقولي يا جوز سارة وأحيانًا الواحد نفسيًا بيضايق لما بيتشتم لكن أعتبر ده نجاح وبيكون جوايا إحساس النجاح لما بتعاون مع محمد سامي.. والفلوس بتغير النفوس وأكيد معايا دلوقتي فلوس أكتر من 20 أو 15 سنة، ولما اتشهرت والفلوس جت متغيرتش علشان أنا متربي كويس».

مي عمر وأحمد زاهر

أحمد زاهر