أحمد فهمي: ضحيت بحلمي بعد وفاة والدي وعملت عملية قلب مفتوح بسبب العصبية

تحدث الفنان أحمد فهمي عن تجربة مؤثرة في حياته، وتحمله المسئولية التي أدت إلى تخليه عن فرصة كبيرة لمواصلة طموحه الموسيقي بسبب وفاة والده.

قال أحمد فهمي عبر تصريحات تلفزيونية: «بعد وفاة والدي كنت أدرس الموسيقى الكلاسيكية وأعزف على الكمان وكان عندي حلم وهو إني أسافر برة وأكمل دراستي».

تصريحات أحمد فهمي

وتابع: «في وقتها حصلت على منحة في مدرسة قوية جدًا في أمريكا، وكانت خطوة مهمة بالنسبة لي لكني كنت 16 سنة وفكرت إزاي هسيب أمي وإخواتي الخمسة»

واستكمل أحمد فهمي: «حتى قبل وفاة والدي، كنت بفكر دايمًا في توفير المصاريف وتحمل المسئولية من صغري ولو كنت محتاج كشكولين للمدرسة، واحد للجغرافيا وواحد للتاريخ كنت أطلب واحد بس وأقسمه نصين».

أسرار أحمد فهمي

وأضاف: «عشان أوفر على والدي، المسئولية كانت كبيرة لكني كنت مستعد أتحملها، وبشتغل على موضوع العصبية بقالي 4 سنين بروح لأخصائي نفسي عشان بس العصبية واللي بسببها عملت عملية قلب مفتوح بعدما عرفت إن عندي حاجة في القلب سنة 2016».

واختتم أحمد فهمي: «اكتشفت أني عندي هوس بالأفكار بتاعتي وفي نفس الوقت عندي إيجو.. ممكن أقابل شخص وأحس أنه بيعاملني بتعالي شوية فأنا خلاص بتبنى الفكرة دي وأي حاجة هيعملها هتغذي الفكرة دي هي اللي أنا هقبلها لغاية ما أوصل لمرحلة أني أنفجر ودي بتحصل لي مثلًا أحس اللي بينزلي الطبق في مطعم بيتعالى عليا بشكل ما فلا مقبلهاش، كنت كده لكن دلوقتي ابتديت متبناش أفكاري».

أحمد فهمي