أحمد فهيم: مسلسل "جعفر العمدة" كان جسر العبور بيني وبين الجمهور| فيديو

قال الفنان أحمد فهيم إن شخصية 'سيد' في مسلسل 'جعفر العمدة' كانت نقطة انطلاق جديدة في مشواره الفني وفتحت له باب النجاح أمام الجمهور.

وأضاف فهيم في مداخلة هاتفية مع الإعلامية نهال طابل ببرنامج 'تفاصيل' المذاع على قناة صدى البلد 2: 'الحمد لله مسلسل 'جعفر العمدة' ده عوض ربنا لي بعد مجهود كبير وسنين تعب طويلة هو الجسر اللي بيني وبين المشاهد، اللي خلى الناس كلها تعرف أحمد فهيم، وده كان هدفي من بداية الشغل، إن أنا أتعب وأتعلم وأعافر لحد ما ييجي مسلسل أو دور يظهر قدراتي'.

وأشار فهيم إلى رضاه عن نتيجة العمل، قائلاً: 'الحمد لله الناس أثنت عليا، وعلى قد ما تعبت على قد ما النتيجة كانت كويسة جدًا، وبشكر كل اللي شافني، بشكر الأستاذ محمد سامي، والأستاذ محمد رمضان، والشركة المنتجة ويا رب اللي جاي يكون أحسن وأحسن إن شاء الله'.