أحمد موسى: إنفانتينو فاسد.. ومنتخب مصر تعرض لوقاحة تحكيمية.. فيديو

علق الإعلامي أحمد موسى، على الفضيحة الكروية التي شهدتها مباراة مصر والأرجنتين في الدور الـ16 من بطولة كأس العالم، والتي خسرتها مصر بثلاثة أهداف مقابل هدفين.

وقال أحمد موسى، خلال تقديم برنامج «على مسئوليتي»، عبر قناة «صدى البلد»، إنه تم توجيه الحكم الفرنسي لصالح ميسي، مردفًا: «شركات المراهنات كانت في صالح ميسي، الحكم الفرنسي كان كارت إرهاب علينا، وكل لاعب يتكلم كان بياخد إنذار».

وتابع: «العلامة اللي رفعها حسام حسن إمبارح دي بيقول للحكم بلاش عنصرية، إحنا بنتعرض للعنصرية، الحكم الفرنسي بياخد مرتبه من شركات المراهنات، كل أهداف الأرجنتين مشبوهة، واللي بيحصل دا مش كرة قدم، دا فساد ومراهنات وإعلانات، ومصالح».

وأكمل: «بالتليفون النهارده بيتم تحريك الحكام، تم توجيه التحكيم لصالح الأرجنتين، لا مكان للعدالة الكروية لصالح الأرجنتين، اللي حصل دا انحطاط من الفيفا، أنت ضيعت حلم 120 مليون ومنتخب وبلد، وإحنا متقدمين وفائزين، إحنا كنا بنلعب الأرجنتين مع التحكيم، مع الفيفا، مع شركات المراهنات، إحنا لو لعبنا الأرجنتين منتخب لمنتخب كنا فوزنا».

وأردف أحمد موسى: «الهدف الملغي لزيكو في مرمى الأرجنتين كان صدمة كبيرة لجماهير الأرجنتين ولاعبيها، ولكن حكم المباراة كان ليه رأي تاني، لازم نبقى فخورين بلاعيبنا ومدربنا، عملوا اللي عليهم».

وتابع: «وفقًا للوائح الفار، الحكم مينفعش يلغي الهدف، ليه؟ لأننا عدينا من لاعب واتنين وتلاتة، وسجلنا الهدف، ولاعيبنا احتفلوا بالهدف، دا فساد وظلم، الفيفا عملوا لوائح وقوانين تُطبق على كل المنتخبات ما عدا الأرجنتين».

ولفت أحمد موسى إلى أنه لازم تبقى فخور بمنتخب بلدك، مكناش بنلاعب الأرجنتين فقط، كنا بنلاعبهم مع التحكيم والفار والفيفا وشركات المراهنات.. «لا يمكن أبدًا، حتى لو أحرزنا 5-0، كنا نفوز بالماتش، كانوا هيعملوا أي حاجة عشان النتيجة تبقى لصالح الأرجنتين».