أحمد موسى: لا روحت العلمين ولا هوبت ناحيتها ومش جايبين الناس ننكد عليهم .. فيديو

رد الإعلامي أحمد موسى، على مهاجميه عبر المنشور الذي شكر فيه القائمين على تنظيم مهرجان العلمين، واتهموه بأنه تركهم للظلام وقطع الكهرباء ليتواجد في العلمين.

وتابع خلال تقديم برنامج «على مسئوليتي»، المذاع على قناة صدى البلد، «لا روحت العلمين ولا هوبت ناحيتها ولا حضرت حفل المطرب تامر حسني».

وقال الإعلامي أحمد موسى، عندك سياحة هو أنت جايب الناس تنكد عليها، قائلا: في ناس مفيش حاجة عجباهم قوم اطلع كسر في كل حاجة، وطيور الظلام وأعوانهم وأحبابهم طالعين يتكلموا دلوقتي هو أيه الموضوع؟!.

وأضاف: أنتوا نسيتوا ولا أيه، مش عاوز أتكلم عن أشخاص، لن أعطي واحد منهم اهتمام لأن الناس ميهمهاش تعرف مين دول، مضيفا: كنت فين وأنت حاطط أيدك في أيديهم وواقف معاهم وتساندهم على مشروعهم الظلامي الإرهابي.

واستطرد الإعلامي أحمد موسى، من يقف مع بلده اليوم هيكون عمل أكتر من اللي وقف معاها قبل كده، لأن ده وقت تحديات، وفي تعابين وأفاعي مسمومة طالعة من الجحور تتكلم.

وواصل: هو ده وقته للحديث في هذه الأمور، استغلال ظرف تتعرض له البلد، يعني منقدرش لا نتحدث ونقف مع البلد لحد ما تعدي التحدي ده يا جماعة.

واختتم الإعلامي أحمد موسى، يوجد 105 ملايين مصري والبلد تعمل اللي تقدر عليه ولديها أعداد غير مسبوقة من الأعداء من برة وجوة وحتى من غير الأعداء هناك من يريد الوقوف في صفهم .