أحمد نبيل بعد تكريمه في المهرجان القومي للمسرح: "حسيت إني رجعت 30 سنة من عمري"

عبر الفنان القدير أحمد نبيل عن امتنانه العميق بعد تكريمه ضمن فعاليات الدورة الحالية من المهرجان القومي للمسرح، مؤكدًا أن هذا التكريم له طابع خاص ومذاق مختلف لأنه من وطنه، الذي احتضنه فنيًا وجمهورًا.

وقال نبيل في تصريحات تلفزيونية: "أنا اتكرّمت كتير في دول عربية وأوروبية والهند وأستراليا، وكان تكريم مجاملة وتقدير، لكن لما يبقى التكريم من بلدي بيكون ليه متعة مصرية خالصة.. وسط أهلي وناسي ووطني".

وأضاف: "لما ألاقي كل الصالة بتقف تحييني، والوزير بيقابلني، وفنانين كبار بيعبّروا عن حبهم ليّا.. ده تكريم مش لتاريخي بس، ده كمان لروحي.. حسيت إني رجعت 30 سنة في حياتي".

وكشف أحمد نبيل أنه يسافر حاليًا إلى ألمانيا والنمسا من أجل أعمال فنية متعلقة بفن البانتومايم، موضحًا: "أنا كنت بروح هناك في السبعينات بس علشان أتفرج على معاهد بانتومايم، ودلوقتي بقيت أنا اللي بخرج مسارح هناك.. كل حركة بعملها على المسرح لازم الجمهور يفهمها، ده سر البانتومايم".