أورتيجا لـ عمرو مصطفى: جمهورنا يسفلت الكرة الأرضية وفي الأخر تطلعنا حرامية

حرص مؤدي المهرجانات أورتيجا، في الرد على تصريحات الملحن عمرو مصطفى التي هاجم فيها أغاني المهرجانات ومغنيها.

أورتيجا وعمرو مصطفى

ونشر أورتيجا، فيديو من حديث عمرو مصطفى، عبر حسابه الشخصي على موقع إنستجرام، وعلق قائلا: لا والله يا أستاذ عمرو يا كبير إحنا مش حرامية ومتجمعش، وزى ما أنت في الخليج وأوروبا إحنا من عشر سنين في الخليج وأوروبا.. احنا لينا جمهور يسفلت الكرة الأرضية تيجي أنت في ثانية تطلعنا حرامية، يا أستاذ إحنا صناع، وصناع لمطربين كبار في الوسط الفني،

حضرتك متجمعش على حد قول على اللي سرقك أتكلم عنه بعد اذن حضرتك.

وتابع أورتيجا: عمال أقول حضرتك وأنت تقول حرامية وبنتباها بيك إنك مصري وحد عظيم متخليش الواحد يكره نفسه بقى والله العظيم، أنت بتهين ناس ابتكرت مزيكا، جديدة طالعة من مصر مصرية الصنع والعالم كله بيتحاكة بيها في ثانية عيب والله بجد.

أورتيجا والتريند

وأوضح أورتيجا : أنا لا بتاع تريند ولا بتاع سيط، ولا بتدخل في أي حاجة ولكن أنت بتسرق كل الناس لمجرد أن حد خد منك لحن أو أتنين أمشي قانوني زي ما حضرتك بتقول، بس أنت متغلطش في كل الناس، لأن في ناس بتصنع محتوه من لحن لكلام لمزيكا، وبتنزل وتسجل قانوني، وبتنجح نجاح كبير، زي ما أعمالك ما بتنجح بالظبط.

وأضاف: أرجوك أنا بحبك وأنت زعلتني من طريقة كلامك عننا، والناس اللي ملهاش ذنب في اللي حضرتك بتقوله أنا حاولت أوصل لحضرتك معرفتش فقولت أقولك هنا.

عمرو مصطفى يعلق على تحذير جمعية المؤلفين والملحنين: ينقذ المبدعين من تجار الفن

تامر عاشور يكشف رأيه في عمرو مصطفى وتصريحاته

تكريم عمرو مصطفى من جمعية المؤلفين والملحنين العالمية .. ويرفع علم مصر