أول تعليق من حمو بيكا على قرار وقفه عن الغناء

علق حمو بيكا على قرار إيقافه من نقابة المهن الموسيقية في «لايف» عبر حسابه الرسمي على فيس بوك.

وقال: «مبسوط وسعيد علشان بسمع قرار وقفي من خمس سنين، وأوجه رسالة لمن يوقفني أنت بتوقفني أنا ومعايا ناس فاتحة بيوت كتير، وإذا قولتوا أننا لا نصلح للغناء فهناك أناس كثيرة لا تصلح وتحمل كارنيهات النقابة، ولكن أحترم قرارات نقيب الموسيقيين المطرب هاني شاكر، ويجب أن تقف الناس بجانبنا».

وقال بيكا في بث مباشر عبر صفحته على «فيس بوك»: «بشكر نقابة المهن الموسيقية ليكم الاحترام والتقدير، أنا فرحان وسعيد لأنى بسمع نفس القرار بقالى 5 سنين.. اتكلمت كتير وتعبت واتعملى قضايا ومحاضر.. أنا معايا ناس فاتحة بيوت كتير».

وأضاف بيكا: «ناس كتير لا تصلح للغناء وبيغنوا ومعاهم كارنيه النقابة.. مش هقول أسماء عشان دول صحابى وواكلين مع بعض عيش وملح.. أنا صوتى عاجبنى وعاجب الناس وبيسمعونى خدوا رأيهم في قرار الوقف.. لو مش عايزينا نبطل غنا».

وتابع، «في حفلات الساحل الشمالى التصريح بتاعى بـ15 ألف جنيه كنت بدفع ومابتكلمش.. الناس بتستقبلنا برة مصر أحسن استقبال.. عايزينا نشتغل برة مصر ونسيب بلدنا».

واستكمل: «فى اختبارات نقابة الموسيقيين قدمت فيش بتاعى ونضيف الحمد لله وغنيت أغانيا ومع ذلك سقطت.. حسبى الله ونعم الوكيل في كل واحد كان سبب في قطع عيشنا».

بينهم حمو بيكا وحسن شاكوش.. عزة مصطفى تعلق على منع المهن الموسيقية 19 اسمًا عن الغناء.. فيديو

حمو بيكا بعد قرار وقفه من نقابة الموسيقيين: عايز آكل عيش و معايا ناس فاتحة بيوت.. فيديو