أول تعليق من كريم فؤاد بعد إصابته بالرباط الصليبي: أنا في نعمة كبيرة

خرج كريم فؤاد، لاعب النادي الأهلي، عن صمته، بعد إصابته بقطع في الرباط الصليبي وغيابه عن الملاعب الفترة المقبلة.

قال كريم فؤاد عبر صفحته الشخصية على موقع التواصل الاجتماعي «فيسبوك»:' كل خسارة دُونَ الجنة ، فهي دُون'.

أضاف:' اللهم لك الحمد كما ينبغي لجلال وجهك وعظيم سلطانك ، الدنيا دار إبتلاء وشقاء ودايماً الإبتلاء بيجي للشخص في الحاجة اللي هو بيحبها ونِفسه فيها وطموحه وسعادته فيها، ودا بيكون إختبار ليك هتعمل ايه في الموقف دا، وان الاختبار والبلاء دا بيكون ليه أجر كبير ورفع درجات في الجنة وتكفير ذنوب وحاجات كتير عظيمه أوي مقابل إني أصبر على الابتلاء دا'.

أضاف كريم فؤاد:' وأنا كان مكتوبلي إصابة في الرباط الصليبي للمره التانية، بس عندي إحساس تاني خالص مع الاختبار دا، إنه أنا في نعمة كبيرة أوي وإن الحمد لله ربنا رزقني باختبار سهل وهين أوي مقابل ابتلاءات ناس تانية أصعب من دا بكتير، وكمان اختبار مش جديد عليا بَعيده للمرة التانية في وقت قصير فهعرف اتعامل معاه بشكل كويس ويمكن أحسن'.

أكد:' عشان كدا بحمد ربنا إن الابتلاء إللي هاخد عليه أجر كبير وعظيم مش بالصعوبة القاسية إللي توجعني وتهدّني'.

أكمل:' أنا بحمد ربنا وراضي ومؤمن جداً إن ربنا بيحبنا نقرب منه بالعبادات اللي منها الصبر والدعاء.. الحمد لله مستعد للاختبار ومتحمس'.

أتم كريم فؤاد:' شوية وقت وهنرجع نحارب من تاني، أشوفكم على خير قريب'.