أول رد من سعد أسامة صاحب واقعة عمرو دياب وأسرته: هاخد حقي بالقانون

خرج الشاب سعد أسامة صاحب واقعة الفنان عمرو دياب الأخيرة، عن صمته وكشف التفاصيل، موضحًا أنه يعمل بأحد الشركات المنظمة للحفلات والمهرجانات الكبرى.

قال سعد أسامة صاحب واقعة عمرو دياب إنه عندما علم بأن نجمه المفضل عمرو دياب سيغني في الحفل، كان حريصًا على التقاط صورة معه لتخليد الذكرى، وعندما صعد عمرو دياب على المسرح قرر أن يكون بجانبه وتحدث معه بالفعل وطلب منه التصوير.

تصريحات صاحب واقعة عمرو دياب

وأوضح عبر تصريحات تلفزيونية أنه بعد أكثر من محاولة، قرر أن يلفت انتباهه بالإشارة له على ظهره، وقرر فتح الكاميرا والتصوير معه لكنه فوجئ بصفعه على وجهه وأصيب بالذهول ولم يصدق رد فعل الفنان، لافتًا إلى أنه التقط العديد من الصور مع عدد من الفنانين المتواجدين بالحفل منهم محمد رمضان.

وأكد سعد أسامة أنه لن يتهاون في الحصول على حقه من عمرو دياب، ومن جانبه أحمد أسامة شقيق صاحب الواقعة قال: «أنا شغال في جنوب الصعيد ولسة مسافرتش، أنا مسافر علشان أشوف الموضوع ده هيوصل لفين وأنا فعلًا هتخذ إجراءات قانونية».

عمرو دياب

شقيق صاحب واقعة عمرو دياب

وتابع: «لحد آخر وقت لن أتنازل عن حقه والناس معترضة وزعلانة والده وأشخاص من العائلة متضررين من الموقف اللي حصل، أنت بتمد إيدك عليه بناءً على إيه، إيه اللي حصل؟ هو اتعرضلك؟ ضايقك؟ هاجمك؟، ده محترم وكان واقف عايز يتصور معاك زيه زي أي شاب من الناس الموجودة».

واستكمل شقيق سعد أسامة صاحب واقعة عمرو دياب: «إذا عدنا بالفيديو لحظات سنجد بنت كانت واقفة واتصورت معاه في نفس اللحظة، هو حب يتصور معاه مش أكتر لأنه فنان مشهور لكن توصل إنه يمد إيده عليه ويديه بالقلم لا يصح إحنا قبائل في الصعيد هنا مش بنرضى ومش بنسمح بده ولا نقبل تعويض مادي ولا نتصدر تريند إحنا مش محتاجين ده كله، هاخد حقي بالقانون وهفضل ورا القانون حتى آخذ حقي».

عمرو دياب