أول رد من عمرو سلامة على اتهامات سرقة مسلسل بريستيج

حسم المخرج عمرو سلامة الجدل ورد على اتهامات سرقة فكرة مسلسل بريستيج من أعمال أجنبية، والمقرر عرضه قريبًا.

قال عمرو سلامة عبر تصريحات تلفزيونية: «أنا معتقدش إني شُفت عمل مصري في آخر 10 سنين نزله إعلان أو بوستر والناس متهمتوش أنه مسروق بشكل أو بآخر من عمل بره».

رد عمرو سلامة على اتهامات سرقة مسلسل بريستيج

وتابع: «دي بقت حاجة شائعة أنا بستغربها أن الناس بتحكم عليها من قبل ما المسلسل ينزل أتمنى الناس تتفرج ويبقى ليهم الحكم الأخير بعد ما يتفرجوا على المسلسل».

وفيما يخص تشابه بوستر مسلسل بريستيج مع بوستر آخر، علق عمرو سلامة قائلًا: «إحنا مش مستوحين المسلسل خالص من حاجة ويمكن بعد ما بدأنا التحضير للمسلسل حد قالنا ده في فيلم إسباني اسمه كذا الفكرة متشابهة شوية».

تصريحات المخرج عمرو سلامة

واستكمل: «فبصينا عليه عشان نتأكد أن إحنا ملناش دعوة بيه خالص وفي ناس تانية شبهته بعمل مصري وناس شبهته بعمل أمريكي لو الواحد ركز مع ده مش هيعمل أي منتج في الدنيا».

واختتم المخرج عمرو سلامة: «لأن طول الوقت بيحصل هذا الشكل من التشبيهات لما الناس بتتفرج بتكتشف أن هي ملهاش أساس من الصحة».

المخرج عمرو سلامة