إدي الحاجة الحلوة للولد.. الرئيس السيسي يطمئن على الأسعار من مواطنة.. كلكم أهلي وعايز أعملكم كل حاجة.. فيديو

تحدث الرئيس عبد الفتاح السيسي مع المواطنين، الذين تصادف وجودهم في منطقة مصر القديمة والقاهرة التاريخية أثناء متابعته سير العمل بعدد من المشروعات القومية.

وخلال جولة الرئيس السيسي حرص على التوقف لتبادل الحديث مع المواطنين والأسر التي تصادف وجودهم أثناء مروره، حيث هنأهم بمناسبة قرب حلول شهر رمضان المعظم، كما استفسر عن أحوالهم المعيشية، واستمع لمطالبهم.

وقالت مواطنة للرئيس السيسي: «كان نفسي أقابلك إزاي حضرتك، ربنا بيحبني وبجد سعيدة أوي ومبسوطين وربنا يخليك لينا وكل حاجة كويسة».

وبعد رده التحية سألها الرئيس السيسي قائلا: «طب أسعار الأكل والشرب؟»، لتجيبه: «أنا مش مصدقة» ليرد الرئيس بس قولي لي الأول؟، فتقول: «كل حاجة هنا جميلة، تسلم إيديك بجد ويخليك لنا ياريس».

ورحب الرئيس بشقيقتها التي تحمل طفلها الصغرير وقال لها «إدي الحاجة الحلوة للولد».

وسألها مرة أخرى: «قولي لي أسعار الأكل والشرب أيه؟»، لتجيبه: «لسه مشترتش حاجه، أنا بشتري من مصر القديمة»، ليقول لها الرئيس: «طب أسعار الشهر ده؟ بقالك شهر مشترتيش؟ لترد «والله ماشتريت لسه»، وسألها الرئيس مرة أخرى: «طب وبطاقة التموين ماشية، والعيش وبتاخدوا حاجتكم؟»، وأجابته «بطاقة التموين ماشية والعيش بشلن، البلد بقت حاجة تاني».

ووجه الرئيس السيسي حديثه لها، قائلا: «كلكم أهلي وأنتم حبايبنا، ده يسعدني ويشرفني وعاوز أعمل كل شيء طيب لكم، وعملنا لكم نادي ومدرسة ومسجد وكنيسة وكل حاجة لكل الناس»، كما وجه سؤالا لها عن عمل زوجها، لترد: «جوزي مبيض جبس شغال في العاصمة الإدارية باليومية».

ليرد عليها الرئيس: «سلمي على والدك ووالدتك».

ووجهت شقيتها التي تقف بجوارها سؤال للرئيس: «عايزة أقول لحضرتك حاجة، أنا أختى كانت معانا ومجاتش لسه هنا» فسألها الرئيس عن مكانها، لتجيبه أنها تسكن بجوار سور مجرى العيون، فيقول لها الرئيس: «كل اللي موجود هناك هنجيبه هنا، إحنا بنراجع كل حاجة».

https://www.youtube.com/watch?v=P1s4a3h2B98

الرئيس السيسي لأحد أصحاب المخابز : «مزودناش عليكم سعر الدقيق» .. فيديو