إسلام إبراهيم بعد تعرضه للتنمر: «مهنة التمثيل بقت قاسية جدا ومش هتقدروا تهزوا ثقتي في نفسي»

تعرض الفنان إسلام إبراهيم أمس لانتقاد شديد بسبب ارتداءه بدلة تجمع بين اللون ابيض والكحلي، خلال فعاليات مهرجان القاهرة السينمائي الدولي بدورته ال42 .

وعلق إبراهيم علي الانتقاد قائلا، ' مالها البدلة يا جماعة مش فاهم.. ولا عشان انا اللي لابسها فمن حقك تشتم وتجرح حتي لو انا ما اساءتلكش في حاجة او غلطت فيك'.

وأضاف، 'اللبس ده حرية شخصية البدلة كحلي في أبيض عادية جدا انا شايفها حلوة ومازلت شايفها حلوة'.

ووجه كلمة لجمهوره، 'بجد مهنة التمثيل بقت قاسية جدا ومش اي حد يتحملها والتنمر اللي بيتعرضله الفنانين بقي لا يحتمل .. ومحدش يقولي متردش انت شخصية عامة انا في الاول والاخر بني ادم وبردوا مش هتقدروا تهزوا ثقتي في نفسي او في ربنا'.

واستطرد حديثه، 'اكيد مش كل الناس مقصودة بالبوست بتاعي بفضل ربنا في ناس كتير بتحبني وبتحكم عليا من خلال فني اللي بقدمه وبس ربنا يخليكوا ليا ويكتر من امثالكم'.

وافتتحت أمس، الدورة 42 لمهرجان القاهرة السينمائي، حيث شهد الحفل تكريم الكاتب الكبير وحيد حامد بجائزة الهرم الذهبي التقديرية لإنجاز العمر، والتي تم منحها أيضا للكاتب والمخرج البريطاني كريستوفر هامبتون، كما كرم المهرجان في حفل الافتتاح أيضا الفنانة منى زكي بجائزة فاتن حمامة للتميز.

«الناس حبت العصابة».. إسلام إبراهيم يكشف حقيقة الجزء التاني من مسلسل «بـ 100 وش»

إسلام إبراهيم: اكتشفت موهبتي داخل مركز الإبداع ودخلت الفن بمجهودي