إلهام وجدي بعد مشاركتها في «وننسى اللي كان»: أي حد جنب ياسمين عبدالعزيز بتتفتح له الأبواب

أعربت الفنانة إلهام وجدي عن سعادتها الكبيرة بالتعاون مع الفنانة ياسمين عبدالعزيز، ضمن موسم دراما رمضان 2026، بمسلسل وننسى اللي كان.

قالت إلهام وجدي عن مشاركتها في مسلسل وننسى اللي كان، عبر تصريحات إذاعية: «مشروع محظوظ اللي موجود فيه لأن ياسمين عبدالعزيز نجوميتها ما شاء الله مش أنا اللي هتكلم عليها».

تصريحات إلهام وجدي عن ياسمين عبدالعزيز

وتابعت: «أي حد بيبقى جنب ياسمين عبدالعزيز بينور وبتتفتح له الأبواب، وأول مرة أحس بجمهور من الوطن العربي كله عشان حب ياسمين كمان لما طلعنا أصحاب وعشان إحنا أصحاب في الحقيقة وحبينا بعض على المستوى الشخصي ودا بيبان في الكاميرا والفضل ليها».

واستكملت إلهام وجدي: «ياسمين شايلة المسلسل على عاتقها وهي النجمة لكن مركزة أوي في علاقتنا إحنا كنا بنقعد هما مش عارفين يخلونا نبطل ويقولولنا الكاميرا دايرة».

تصريحات إلهام وجدي

واختتمت: «هي على المستوى الشخصي لذيذة جدًا والحاجة اللي بحبها في ياسمين ومش موجودة في نجوم كتير جدًا أن هي حقيقية لو مش بتحبك أو معجبهاش حاجة هتقولك في وشك وده مريح جدًا لأنها مستحيل تبتسم في وشك وهي مش بتحبك هي شخصية حقيقي سالكة هي ذكية جدًا لأنها محافظة على القمة لسنين طويلة وبجد بتحب شغلها والناس بتحبها».