إمام عاشور: أمي مش بتتفرج على ماتشاتي وعايزة تتخانق مع زيكو 

تحدث إمام عاشور عن مواقف طريفة من حياته الشخصية، خاصة مع والدته، إلى جانب كواليس هدفه في مباراة أستراليا، مؤكدًا صعوبة اللقاء وثقة الفريق في تحقيق الفوز.

وقال في تصريحات صحفية:"والدتي مش بتتفرج على الماتشات  بتاعتي عشان بتقلق شوية، لو حد خبطني ممكن تنزل تجيبه من التلفزيون، وبعد الماتش تكلمني تقولي فيه حد ضرب".

وأضاف: "أمي كانت عايزة تتخانق مع زيكو عشان لما جبت جول هو زقني ووقع عليا".

وتابع: لما جيبت جول في أستراليا أنا حطيت دماغي ومشوفتش الكرة جت جول ولا لأ، والمباراة دي كانت صعبة جدًا، إحنا في آخر 10 دقايق كنا مسيطرين على الماتش وحاطين في دماغنا إننا طالعين كسبانين".